IDORALARARO MUVOFIQLAShTIRUVChI KENGASh YIGʻILIShI BOʻLIB OʻTDI
28-yanvar kuni Amudaryo tumani hokimligining majlislar zalida 2021-yil davomida qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik hamda huquqbuzarliklarning oldini olish aholining yashash sharoitini yaxshilash, mahallalarda olib borilgan islohotlar, tumanni iqtisodiy-ijtimoiy rivojlantirish borasida amalga oshirilgan ishlar borasida muvofiqlashtiruvchi Kengash yigʻilishi boʻlib oʻtdi.
Majlisda tuman prokurori Javlonbek Muftullayev, tuman huquqni muhofaza qiluvchi hamda nazorat organlari xodimlari, tuman hokimi oʻrinbosarlari, tegishli tashkilot rahbarlari, mahalla fuqarolari yigʻinlari raislari, hamda ommaviy axborot vositalari vakillari ishtirok etdilar.
Yigʻilishda tuman prokurori Javlonbek Muftullayevning maʼruzasi tinglandi.
Tuman prokurori tomonidan tuman Davlat soliq inspektsiyasi, tuman investittsiyalar boʻyicha boʻlimi, Tibbiyot birlashmasi, Ichki ishlar boʻlimi, Mahalla va oilani qoʻllab-quvvatlash boʻlimi, Majburiy ijro byurosi hamda moliya-iqtisodiyot va kambagʻallikni qisqartirish boʻlimlari tomonidan amalga oshirilgan ishlar tahlil qilindi.
Yigʻilishda mutasaddi rahbarlar tomonidan yoʻl qoʻyilgan kamchiliklar qayd etib oʻtildi hamda boʻlim rahbarlari tomonidan ushbu holatlarga izohlar berildi.
Tuman Ichki ishlar boʻlimi boshligʻi Ulugʻbek Xudoyberganovning taʼkidlashicha, huquqbuzarlik holatlarining oldini olish uchun avvalo, mahallalarda olib borilayotgan profilaktika ishlarining samaradorligini oshirish zarur. Shuningdek, huquqbuzarlik holatlarining koʻpchiligini oʻzaro janjal, haqorat, tuhmat, yengil tan jarohati yetkazish kabilar tashkil qilib bu borada mahalla va ovul fuqarolar yigʻinlari raislarining oila, xotin-qizlar va ijtimoiy-maʼnaviy masalalar boʻyicha oʻrinbosarlarining faolligini yanada oshirish lozimligi qayd etildi.
Tuman Ichki ishlar boʻlimi boshligʻining oʻrinbosari, mayor Muxtor Rahmatullayev esa 2021-yil davomida ichki ishlar organlari tomonidan aniqlangan jinoyat turlari, huquqbuzarlik profilaktikasi boʻyicha amalga oshirilgan tadbirlarning ahamiyati xususida oʻz fikrlarini bayon qildi.
Shuningdek yigʻilishda tuman Mahalla va oilani qoʻllab-quvvatlash boʻlimi boshligʻi oʻrinbosari Baxadir Baltabayevning ham mazkur masala yuzasidan bildirgan fikrlari tinglandi. Qayd etilganidek, Amudaryo tumanining har bir ovul va mahalla fuqarolar yigʻinlarida mahallabay ishlash tizimi yoʻlga qoʻyilgan boʻlib, bu tizim murakkab jarayon boʻlishiga qaramasdan, oʻz navbatida, siyosiy chaqiruv ham hisoblanishi, unga koʻra ijtimoiy-iqtisodiy reformalar, ichki va tashqi resurslar hisobiga amalga oshiriladigan loyihalar, turli idora va tashkilotlarning “faoliyat yoʻlaklari” mahallalar kesimida tashkil etilishi taʼkidlandi.
Yigʻilishda barcha muassasa, idora-tashkilotlar faoliyatlarining ochiqligi va shaffofligini taʼminlash, ularning xalq oldida hisobdorligini oshirish, jamiyatda qonun ustuvorligini taʼminlash, jinoyat va huquqbuzarliklarning oqibatlari bilan kurashish emas, balki ular sodir etilishidan avval oldini olish, tadbirkorlikka keng yoʻl ochish, sohada yuzaga kelayotgan toʻsiqlarga nisbatan murosasiz munosabatda boʻlish har bir tashkilot rahbarining muhim vazifasi ekani qayd etildi.
Tuman hokimligining axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
