EKOLOGIK PARTIYa MASʼULLARI AHOLI BILAN UChRAShUV OʻTKAZDI
Atrof-muhit tozaligi, obodligini asrash, tabiatni muhofaza qilish bugungi kundagi dolzarb masalalardan biri hisoblanadi. Bu davlat ahamiyatidagi masalalardan boʻlganligi sababli yurtimizda diqqatga sazovor ishlar amalga oshirilmoqda. Chunki tabiat qanchalik asrab-avaylansa, kelib chiqishi mumkin boʻlgan ekologik muammolarning oldi olinib, ertangi hayotimiz ham shunchalik yaxshi boʻladi.
Ekologik partiyaning tuman Kengashi masʼullari tomonidan aholi bilan uchrashuv oʻtkazilib, Kengash faoliyati samaradorligini oshirishga koʻmaklashish, atrof-muhit tozaligini asrash, maishiy chiqindilarni belgilangan joylarga tashlash, yashil hududlarni koʻpaytirish, koʻchat ekish ishlarini hamjihatlikda amalga oshirish kabi masalalar yuzasidan suhbatlashildi.
Shu yilning 2-fevral kuni Qilichboy ovulida boʻlib oʻtgan mazkur uchrashuvda Ekologik partiya tuman Kengashi raisi Saʼdulla Sadikov hamda Qilichboy ovul fuqarolar yigʻini raisi, tuman Kengashi deputati Bahrom Qodirovlar ishtirok etishdi.
Tadbirda dastlab hozirgi kunda partiyaning tuman Kengashi tomonidan olib borilayotgan ishlar toʻgʻrisida maʼlumot berildi. Shundan soʻng, atrof-muhitni muhofaza qilish, ekologik barqarorlikni taʼminlash, maishiy chiqindilarni boshqarish, aholini toza ichimlik suvi bilan taʼminlash, irrigatsiya tarmoqlari holati, obodonlashtirish va koʻkalamzorlashtirish, sanitariya-epidemiologik holatni yaxshilash, aholi sogʻligʻini saqlash borasida amalga oshirilayotgan ishlar, tumandagi ekologik holatga salbiy taʼsir oʻtkazayotgan omillar xususida atroflicha soʻz yuritildi.
Shuni alohida qayd etish joizki, globallashib borayotgan ekologik muammolarni faqat xoʻjalik faoliyatida resurs tejovchi va ekologik toza texnologiyalarni joriy qilish, tabiatni muhofaza qilish tadbirlarini amalga oshirish va sohada qonunchilikni takomillashtirish bilangina hal etish mumkin emasligi bugun yaqqol namoyon boʻlib qolmoqda. Bu borada aholining ekologik madaniyatini yuksaltirish, ularda tabiat va uning neʼmatlariga hamda atrof muhitga ehtiyotkorona munosabatda boʻlish hissini shakllantirish, ekologik taʼlim tarbiya tizimini rivojlantirish ushbu muammolar yechimini topishda muhim omil boʻlib xizmat qiladi.
Shu nuqtai nazardan partiyaning tuman Kengashi aholining ekologik masalalardagi xabardorligini oshirishni oʻz oldiga maqsad qilib qoʻygan hamda ushbu yoʻnalishdagi ishlar faollar va deputatlar tomonidan izchillik bilan davom ettirilmoqda.
Tadbir ishtirokchilariga davlatimiz tomonidan olib borilayotgan izchil islohotlar hamda qabul qilingan Davlat dasturlarining mazmun-mohiyati ham keng tushuntirib oʻtildi.
Tadbir yakunida partiyaning tuman Kengashi masʼullari fuqarolarni mamlakatimizning bebaho tabiati va tabiiy boyliklarini asrab-avaylash va aholi sogʻligʻini saqlashdek yuksak vazifalarni bajarishda faol ishtirok etishga chaqirdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
