SUDLARDA IJRO HUJJATLARINI YuRITIShGA DOIR MASALALAR YuZASIDAN SEMINAR OʻTKAZILDI
Fuqarolik ishlari boʻyicha tuman sudi tomonidan Majburiy ijro byurosi tuman boʻlimi binosida seminar tashkil etildi.
23-fevral kuni Majburiy ijro byurosi tuman boʻlimi masʼullari, davlat ijrochilari ishtirokida oʻtkazilgan ushbu seminarda fuqarolik ishlari boʻyicha Respublika sudlariga qaytarilgan ijro hujjatlari yuzasidan oʻtkazilgan umumlashtirish natijalari muhokama etildi va unga koʻra, amalga oshirilishi lozim boʻlgan muhim vazifalar xususida soʻz yuritildi.
Seminar davomida Oʻzbekiston Respublikasi Oliy sudi tomonidan Oʻzbeksiton Respublikasining 2001-yilgi “Sud hujjatlari va boshqa organlar hujjatlarini ijro etish toʻgʻrisidagi Qonunining 8-, 24-moddalariga asosan fuqarolik ishlari boʻyicha Respublika sudlariga qaytarilgan ijro hujjatlari yuzasidan umumlashtirish oʻtkazilgani, shunga koʻra tegishli vazifalar belgilab berilgani toʻgʻrisida maʼlumot berib oʻtildi. Undan tashqari, Oʻzbekiston Respublikasi Oliy sud Rayosatining 2018-yil 20-iyuldagi tegishli qarorida sud qarorlari ijrosini qatʼiy taʼminlash boʻyicha zarur chora-tadbirlar belgilangani, shunga qaramasdan sud qarorlarining ijrosi talab darajasida emasligi va bu holat fuqarolar oʻrtasida noroziliklar keltirib chiqarayotganligi raqam va misollar bilan koʻrsatib berilgani aytib oʻtildi.
“E-XSUD” axborot tizimidan olingan maʼulmotlarga qaraganda Fuqarolik ishlari boʻyicha Amudaryo tuman sudi tomonidan 2021-yilning 1-yanvaridan 16-dekabriga qadar tuman Majburiy ijro byurosiga yuborilgan ijro hujjatlarining 60 foizdan koʻpi ijro qilingan. Qonunning 8-, 24-moddalariga asosan 20 foizi qaytarilgan. Shuningdek, 20 foiz ijro hujjatlari qoldiqda qoldirilgan.
Shunga koʻra, endilikda ijro hujjatlarini yuborishga masʼul sud organi va Byuro xodimlari ish yuritishda “E-XSUD” tizimi va “MIB Portal” dasturi orqali maʼlumotlar almashinuvini yanada takomillashtirishi, hamkorlikni mustahkamlash, xato-kamchiliklarni bartaraf qilib borishi lozimligi taʼkidlandi. Shuningdek, “E-XSUD” tizimi va “MIB Portal” dasturi oʻrtasidagi maʼlumotlar almashinuvidagi kamchiliklar muhokama etilib, Majburiy ijro byurosiga ijro hujjatlarining asossiz qaytarilishi yuzasidan munosabat bildirildi.
Seminarda umumlashtirish natijalari keng muhokama etilib, kelgusida unda qayd etilgan holatlarga yoʻl qoʻymaslik, sud hujjatlarining ijrosini qonuniy muddatlarda toʻliq taʼminlash, fuqarolarning sudga boʻlgan ishonchini mustahkamlash va ularning manfaatlarini kafolatli himoya qilish borasida qatʼiy choralar belgilab olindi. Shuningdek, Byuro zimmasiga asossiz qaytarilgan ijro hujjatlari yuzasidan aybdorlarga nisbatan intizomiy jazo chorasini qoʻllash majburiyati yuklatildi. Shu bilan birga davlat ijrochilari tomonidan Qonunning 8-, 24-moddasi bilan sudga asossiz qaytarilgan har bir ijro hujjatlari boʻyicha sud masʼullari Byuroga tegishli tartibda huquqiy munosabat bildirishi kerakligi maʼlum qilindi.
Seminarda ishtirokchilar tomonidan berilgan savollarga atroflicha, batafsil javoblar berildi.
Qayrulla Atamuradov, Fuqarolik ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
