Milliy boyligimizga beparvo qaramaylik
Ayni damlarda tumanimizda paxta yigʻim-terimiga tayyorgarlik ishlari qizgʻin olib borilmoqda. Yigʻim-terim davrida yongʻin xavfining oldini olish alohida ahamiyat kasb etadi. Zero, paxta bizning milliy boyligimiz, iftixorimiz hisoblanadi. Shuning uchun uni asrashga barcha shart-sharoitlarni ishga solishimiz, yongʻin chiqishining oldini olishimiz zarur.
Barcha fermer xoʻjaliklarida paxta xirmonlari, paxta quritish oʻrinlari suv havzalari bor boʻlgan yoki suv hovuzlari mavjud boʻlgan joylarga yaqin boʻlishi kerak. Paxta hosilini paxta qabul qilish punktlariga eltishga alohida eʼtibor va masʼuliyat zarur. Traktor tirkamalariga ortilgan paxta ustiga albatta sholcha yoki brezent yopilishi kerak, aks holda yongʻin kelib chiqishi mumkin. Paxta qabul qilish punktlarida va paxta dalalarida chekish, ochiq olovdan foydalanish hamda paxta hosilini yoʻl chetlarida quritish qatʼiyan maʼn qilinadi. Xirmonlar, paxta quritish oʻrinlari, yoʻl boʻylari hamda paxta qabul qilish shoxobchalarida «Paxtani olovdan asraylik!», «Chekilmasin!», «Olovdan foydalanish maʼn qilinadi!» kabi koʻrsatmalar, pannolar bilan taʼminlanishi lozim va birlamchi yongʻin oʻchirish vositalari bilan toʻliq taʼminlanishi zarur.
Bizning tumanimizdagi «Yulduz» ochiq aktsiyadorlik jamiyati hamda unga qarashli paxta qabul qilish shoxobchalarida paxta hosilini qabul qilishga tayyorgarlik ishlari nihoyasiga yetib, paxta hosilini qabul qilish ishlari boshlandi va davom qildirilmoqda. Jamiyat va unga qarashli shoxobchalar yongʻinga qarshi birlamchi yongʻin oʻchirish vositalari bilan taʼminlangan. «Paxta-2014» yigʻim-terim mavsumiga yordamga kelgan hasharchilarning yashash joylarida yongʻin xavfsizligi choralarini koʻrish uchun bir qancha ishlar olib borildi. Hozirgi kunda yuqoridagi tartib qoidalar toʻgʻrisida suhbatlar oʻtkazilib, yoʻriqnomalar va koʻrsatmalar berilmoqda.
Muhtaram yurtdoshlar! Bu yilgi «Paxta - 2014» yigʻim-terim mavsumida faol qatnashib, yongʻin xavfsizligi boʻlinmasi xodimlarining koʻrsatmalarini oʻz vaqtida bajarsak, milliy boyligimiz boʻlgan paxtani yongʻindan asraymiz.
H.MATYoQUBOV,
tuman IIB YoXB boshligʻi, mayor.
(Foto - uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
