"Jayxun ilhomlari" NNT grant loyihasi doirasida tadbirlar oʻtkazmoqda
3. Mamlakatimizda olib borilayotgan islohotlarning barchasi barkamol avlodni tarbiyalab yetishtirishga qaratilgan.
Tumanda faoliyat olib borayotgan “Jayxun ilhomlari” nodavlat notijorat tashkilotining ish boshlaganiga olti yildan oshdi. Tashkilot shu vaqt mobaynida xalqimiz maʼnaviyatni yuksaltirish, yosh avlodni Vatanga muhabbat, milliy va umuminsoniy qadriyatlar ruhida kamol toptirishda badiiy adabiyotning oʻrni, taʼsiri va ahamiyatini yanada oshirish, adabiyot, musiqa, badiiy va amaliy sanʼat ravnaqiga hissa qoʻshish hamda havaskor shoirlar, yozuvchilar, ijodkorlar, sanʼatkorlarni qoʻllab-quvvatlash, ularning ijobiy salohiyatlarini roʻyobga chiqarish orqali jamiyatda ijtimoiy-maʼnaviy muhitni yanada yaxshilashga hissa qoʻshib kelmoqda.
Tashkilot tomonidan ayni kunlarda “Yoshlar – yangi Oʻzbekiston, bunyodkorlari” loyihasi boʻyicha maktablarda, ovul va mahalla fuqarolar yigʻinlarida turli tadbirlar, uchrashuvlar oʻtkazib kelmoqda. Mazkur tadbirlarda mahalla faollari, faol yoshlar, maʼnaviyat targʻibotchilari, shifokorlar, imomlar, turli kasb egalari ishtirok etib olib borilayotgan ishlarning yanada samaraliroq boʻlishiga ulush qoʻshmoqdalar.
Shuningdek, tashkilot tomonidan maktab oʻquvchilari orasida oʻtkazilib borilayotgan insholar tanlovida oʻquvchilar faol ishtirok etib oʻzlarining iqtidorlarini namoyish etib kelmoqdalar. Oʻz navbatida tashkilot tomonidan eng yaxshi insho ijodkorlari tanlab olinib ular qimmatbaholi sovgʻalar faxrli yorliqlar bilan ragʻbatlantirilib borilmoqda.
Tumanimizdagi 33-sonli maktabda “Yoshlar maʼnaviyatini yuksaltirish, ularni kitobxonlikka jalb qilish orqali giyohvandlik, ichkilikbozlik, turli axloqsizliklardan himoya qilish” mavzusida maktab oʻquvchilari bilan uchrashuv oʻtkazildi.
Uchrashuvda maktabning yuqori sinf oʻquvchilari, oʻquvchilar, maʼnaviyat targʻibotchilari, faol yoshlar ishtirok etdilar.
“Jayxun ilhomlari” nodavlat notijorat tashkilotining raisi Oʻrozali Reyimov tashkilot tomonidan eʼlon qilingan grant loyihaning mazmun-mohiyati, ahamiyati, loyiha doirasida amalga oshiriladigan ishlar va ulardan kutilayotgan natijalar haqida uchrashuv ishtirokchilariga tushuntirib oʻtdi. Tumanda yoshlarning ijodiy salohiyatlarini yuzaga chiqarish uchun yaratib qoʻyilgan imkoniyatlar ham aytib oʻtildi.
Maktab direktori Hanifa Yaxshimova maktabda davlatimiz tomonidan yoshlarni madaniy-maʼrifiy tomondan tarbiyalashga qaratilgan saʼy-harakatlarga javoban olib borilayotgan ishlarga alohida toʻxtalib oʻtdi.
Tashkilot aʼzosi Dilfuza Oʻtaboyeva, madaniy-maʼrifiy ishlar boʻyicha direktor oʻrinbosari Inobat Matnazarova Prezidentimizning beshta muhim tashabbusi asosida tashkil etilgan toʻgaraklar ishi haqida maʼlumot berdilar.
Oʻquvchilar uchrashuv tashkilotchilaridan oʻzlarini qiziqtirgan savollarga javoblar oldilar.
Oʻ.Reimov
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
