MAKTABGAChA TAʼLIM SOHASI XODIMLARI UChUN SEMINAR OʻTKAZILDI
Maktabgacha taʼlim tashkiloti taʼlim-tarbiya jarayonining ilk bosqichidir. Shu boisdan ham maktabgacha taʼlim tashkilotlarida faoliyati samaradorligini oshirishga, bolajonlarni maktab taʼlimiga sifatli tayyorlashga va bolalarning qamrovini kengaytirishga alohida eʼtibor qaratilmoqda.
Shu yilning 10-mart kuni Amudaryo tumanidagi 82-sonli maktabning faollar zalida tuman Maktabgacha taʼlim boʻlimi tomonidan oʻtkazilgan seminar ham shu maqsadga qaratildi.
Seminarda Qoraqalpogʻiston Respublikasi Maktabgacha taʼlim vazirligi, Ellikqalʼa, Taxtakoʻpir, Toʻrtkoʻl tumanlari Maktabgacha taʼlim boʻlimi masʼul xodimlari, tuman Maktabgacha taʼlim boʻlimi mutasaddilari va tizimdagi tashkilotlar rahbarlari, uslubchilar, tarbiyachilar ishtirok etdilar.
Tadbirda maktabgacha taʼlim tashkilotlari xodimlari oʻrtasida oʻzaro manfaatli tajriba almashinuvini yoʻlga qoʻyish maqsadida “Maktabgacha taʼlim tashkilotlarida taʼlim-tarbiya jarayonini tashkil etish”, “Maktabgacha taʼlim tashkilotlarining kuzatuv kengashlari faoliyatini tashkil etish, ish hujjatlarining yuritilishi”, “Taʼlim berishga kompetentsiyaviy yondoshuv”, “Davlat talablari va “Ilk qadam” davlat oʻquv dasturi asosida taʼlim-tarbiyaviy faoliyatni rejalashtirish” mavzularida maʼruzalar qilindi.
Qoraqalpogʻiston Respublikasi Maktabgacha taʼlim vazirining birinchi oʻrinbosari, Ellikqalʼa, Taxtakoʻpir, Toʻrtkoʻl tumanlaridagi davlat maktabgacha taʼlim tashkilotlari metodistlari va tarbiyachilari, Amudaryo tumani Maktabgacha taʼlim boʻlimi masʼullari kun tartibidagi masalalar yuzasidan maʼruza qildilar.
Maʼruzalar yuzasidan tadbir ishtirokchilar oʻz fikr-mulohazalarini bildirib oʻtdilar. Xususan, maktabgacha taʼlim tashkilotlarida tarbiyalanayotgan bolajonlarning har tomonlama, barkamol rivojlanishiga erishish uchun ularning nutqini, jismoniy chiniqishini, aqliy qobiliyatini oʻstirishga eʼtiborni kuchayirish, ularning qobiliyatlarini shakllantirishga induvidual yondashish, mashgʻulotlarni bolajonlarga yoqadigan tarzda qiziqarli tashkil etish boʻyicha fikrlar, amaliy takliflar bildirildi.
Shunisi eʼtiborliki, keyingi yillarda maktabgacha taʼlim tashkilotlariga bolalar qamrovini oshirishga, muassasalarda bolajonlarga sifatli taʼlim-tarbiya berilishiga alohida eʼtibor qaratilmoqda, maktabgacha taʼlim tizimini yanada takomillashtirish, sogʻlom, faol, toʻlaqonli, jamiyatga moslashgan bola shaxsini shakllantirishga gʻamxoʻrlik kuchaymoqda.
Tuman Maktabgacha taʼlim boʻlimi tomonidan ham taʼlim tizimining ilk bosqichi boʻlgan mavjud maktabgacha taʼlim tashkilotlarida bolalarni sogʻlom, har tomonlama rivojlangan va erkin shaxs sifatida shakllantirish, bolalarning qobiliyatlarini ochib berish, taʼlim olishga boʻlgan intilishlarini kuchaytirish maqsadida izchil ishlar amalga oshirilmoqda.
Seminar bu boradagi ishlarni yangi sifat bosqichiga koʻtarishda muhim ahmiyat kasb etishi shubhasiz.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
