“OChIQ BYuDJET” LOYIHASIDA 11 TA TAKLIF GʻOLIB BOʻLDI

Maʼlumki, joriy yil 5-martdan 1-apreligacha “Ochiq byudjet”  loyihasining 3- bosqichi boʻlib oʻtdi. Tumanimiz fuqarolari unda faol ishtirok etib, “Ochiq byudjet axborot portali” orqali oʻz yashash hududida mavjud boʻlgan takliflarga ovoz berishdi.

Loyiha doirasidagi tanlovda Amudaryo tumanidan  11 ta taklif gʻolib boʻldi. Jumladan, Beshtom mahalla fuqarolar yigʻini, Qizil uy aholi punktiga gaz tortib berish boʻyicha Meiramgali Jumabayev, Toʻlqin ovuli hududidagi 33-sonli maktabga bolalarning xavfsiz borib kelishi uchun piyodalar yoʻlakchasi qurish boʻyicha Abay Sagʻinbayev, Tor yop mahallasi xududidan oʻtuvchi 4n124, 4r160 a/y(66) Xoʻja ovul – Qilichboy ichki yoʻlining 4 km. qismini taʼmirlash boʻyicha  Nazokat Jumamuradova, Nazarxon ovuli Oʻntom aholi punktiga tabiiy gaz tarmogʻini tortish boʻyicha Shavkat Srlayev, Tor yop mahallasi hududi Dehqonbirlik koʻchasining  1 km. qismini tuproq bilan koʻtarish va tosh yotkizib taʼmirlash boʻyicha Ozodboy Gulmanov, Qumyop mahallasi hududida elektr taʼminotini yaxshilash boʻyicha Adham Saʼdullayevlarning tashabbuslari gʻoliblar safidan joy oldi. Shuningdek,  33-MTTni mukammal taʼmirlash boʻyicha Javlonbek Zarifov, Bobur nomli ovuldagi Seytovul mahallasiga yangi transformator oʻrnatish boʻyicha Aʼzamjan Saburov, Toʻlqin ovuli hududidagi 28-sonli maktabning isitish tizimini almashtirish boʻyicha Alisher Saburov, Arnaboʻyi mahallasidagi 27-sonli maktabni mukammal taʼmirlash boʻyicha Rustam Qoʻchqorov, Xizr eli mahallasi hududida joylashgan 47-sonli MTT binosini kapital taʼmirlash boʻyicha Anvar Tajiboyevlarning takliflari ham mahalliy byudjetdan moliyalashtiriladigan boʻldi.

Ayni kunlarda “Mening yoʻlim” loyihasi doirasida 4-apreldan 14-aprelgacha takliflar qabul qilinadi. Fuqarolarni ushbu loyihada ham oʻz takliflari bilan faol qatnashishga chaqirib qolamiz!

Tuman hokimligi Axborot xizmati.