Dinimizda Vatanni himoya qilish - ulugʻ amal
Ona Vatan! Nima uchun Vatanni ona soʻzi bilan yonma-yon ishlatamiz? Chunki, Vatan ham onamiz singari aziz, mehribon va qadrlidir. Inson dunyoga kelmasidan avval onaning vujudida ulgʻaysa, dunyoga kelganidan keyin esa endi Ona Vatanda unib oʻsadi. Kishining tugʻilganda kindik qoni toʻkilgan yer uning Vatani hisoblaniladi. Mana shu Vatanini asrab-ardoqlash, ximoya qilish xar bir insonning muqaddas burchidir.
Bu yil Respublikamiz Qurolli Kuchlari tashkil topganiga 30-yil toʻladi. Bunday qisqa vaqt davomida milliy armiyamiz hech bir mamlakatdan ortda qolmaydigan darajadagi qurol-aslahalarga, jangovor uskunalarga ega boʻldi. Respublikamiz Qurolli Kuchlarida xizmat qilayotgan askarlarning saviyasi esa ham maʼnan, ham jismonan yuksak darajaga yetib ulgirdi desak aslo mubolagʻa qilmagan boʻlamiz. Yurtitmizda xar yili 14-yanvar kuni «Vatan himoyachilari kuni» ga bagʻishlab turli bayram dasturlari, koʻrik-tanlovlar, davra suxbatlari, musobaqalar oʻtkaziladi va oʻz Vataniga chin sadoqat bilan hizmat qilib kelayotgan bir qator xarbiylarimiz yuksak davlat mukofotlari bilan taqdirlanadi. Bunday dasturlar Vatanimiz himoyachilarini ragʻbatlantirishga hizmat qilibgina qolmay , atrofdagi yoshlarga vatanga mehr-muhabbat, vatanimiz himoyachilariga nisbatan yuksak ehtirom tuygʻularini shakillanib borishiga yordam beradi va boʻlajak Vatan himoyachilari maʼnaviyatlarini yuqori darajaga koʻtarib, jismonan baquvvat, aqlan yetuk, sergak boʻlib kamolotga yetishishlarida katta ahamiyat kasb etadi.
Darxakikat, Vatan - mukaddas makon. Uni himoya kilish, dushmanlardan asrash, uning ravnaki va farovonligi yoʻlida xizmat qilish xar bir inson uchun ham farz, xam karzdir. Dinimizda Vatanni ximoya qilish ishiga oʻzini baxshida etish eng ulugʻ savobli amallardan ekanligi aytilgan. Bu toʻgʻrida Paygʻambarimiz sallalloxu alayxi vasallam shunday deganlar: "Ikki koʻz egasini doʻzax otashi kuydirmas: biri -Allohning qoʻrqib yigʻlagan koʻz, ikkinchisi - Alloh yoʻlida qoʻriqchilik qilib bedor boʻlgan koʻz" (Imom Termiziy rivoyatlari). Ulamolar "Alloh yoʻlida qoʻriqchilik qilib bedor boʻlgan koʻz" iborasini Allox taoloning yoʻlida Vatan sarhadlarini dushmanlardan saqlash, insonlar tinchlik-osoyishtilagini taʼminlash uchun qoʻriqchilik qilgan koʻz sohibi deb sharxlaganlar. Har bir fukaro oʻz Vatanini sevsa, uni ximoya qila olsa, ana shundagina Vatan va uning xalqi rivojlanadi, taraqqiy topadi. Vatanni qoʻriqlash va uni himoya qilish faqat Vatan ximoyachilarini emas balki, xar bir yurt vakilining burchidir. Shunday ekan, har birimiz kindik qoniniz toʻkilgan ushbu Vatanni, shu mustaqil yurtni koʻz qorachigʻimizday asrab-avaylashimiz - oilamiz, shaʼnimiz, or-nomusimiz va imon-eʼtikodimizni ximoya qilish kabidir. Allox taolo Yurtimizni tinchlik osoyishtaligini abadiy qilsin. OMIN!
Oʻktam Qurbaniyazov Noʻgʻoy eshon jomeʼ masjidi imom xatibi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
