BYuDJET MABLAGʻLARI MAQSADLI VA XALQ FAROVONLIGI YOʻLIDA SARFLANADI

2023-yil uchun Amudaryo tumani Mahalliy byudjetining daromadlari 77.5 mlrd. soʻm, yuqori byudjetdan ajratiladigan transfert miqdori 165.4 mlrd.  soʻmni tashkil etmoqda va jami xarajatlari 242.9 mlrd. soʻm miqdorida prognoz qilinmoqda.

Mahalliy byudjetning daromadlari 44 mlrd, soʻm boʻlib, yuqori byudjetdan quyi byudjetga taqsimlanuvchi daromadlar 33,5 mlrd. soʻm, jami daromadlar 77,5 mlrd. soʻmni tashkil qilmoqda.

Shuningdek, Amudaryo tumaniga respublika byudjetlari oʻrtasida taqsimlanadigan daromadlar 13.2 mlrd. soʻm, yuqori byudjetdan quyi byudjetga taqsimlanuvchi daromadlar esa 33,5 mlrd. soʻmni tashkil qilmoqda.

2023-yilgi tuman byudjeti loyihasida madaniyat va sport sohasi xarajatlari 6.4 mlrd. soʻmni, ijtimoiy nafaqalar, kam taʼminlangan oilalarga moddiy yordam va kompensatsiya toʻlovlari xarajatlari 100.7 mlrd. soʻmni tashkil etmoqda.

Iqtisodiyot xarajatlariga 2023-yilda tuman byudjetidan 26.6 mlrd. soʻm ajratish taklif etilmoqda.

2023-yilda Suv xoʻjaligi vazirligi tizimidagi suv xoʻjaligi tashkilotlarini saqlash uchun 4.6 mlrd. soʻm, obodonlashtirish ishlariga 14.7 mlrd. soʻm mablagʻ yoʻnaltirish nazarda tutilgan. Bundan tashqari, veterinariya qoʻmitasi tashkilotlarini saqlash xarajatlari uchun 1.6 mlrd. soʻm, fermer, dehqon xoʻjaliklari va tomorqa yer egalari Kengashi xarajatlariga 1.04 mlrd. soʻm, xokim yordamchilari infrastrukturasini yaxshilash uchun 1.6 mlrd. soʻm, davlat boshqaruv organlari xarajatlariga 20.1 mlrd. soʻm, ijtimoiy koʻnikma markazlari uchun 0.09 mlrd. soʻm mablagʻ ajratilishi koʻzda tutilgan.

Fuqarolarning oʻzini oʻzi boshqarish organlari xarajatlari 2023-yilda 8.4 mlrd. soʻmni tashkil etmoqda.

Prezidentimizning 2021-yil 13-apreldagi «Byudjet jarayonida fuqarolarning faol ishtirokini taʼminlash boʻyicha qoʻshimcha chora-tadbirlar toʻgʻrisida»gi tegishli Qaroriga muvofiq byudjet xarajatlarining 5 foizini jamoatchilik fikri asosida belgilangan tadbirlarni moliyalashtirishga yoʻnaltirish tartibi bosqichma-bosqich joriy etilishi belgilanganligi munosabati bilan “Fuqarolar uchun byudjet” va “Fuqarolar tashabbusi” jamgʻarmalari bosqichma-bosqich moliyalashtiriladi va zahira jamgʻarmasi mablagʻlari 2.3 mlrd. soʻmdan ortiqni tashkil qiladi.

Qonun loyihasining alohida bobi byudjet jarayonining shaffofligini oshirishga yoʻnaltirilgan. Qonunda byudjet jarayonining barcha ishtirokchilariga byudjet mablagʻlaridan foydalanishda shaffoflikni va ochiqlikni  taʼminlash talabi qoʻyilmoqda.

2023-yilda soliq-byudjet siyosatini takomillashtirish boʻyicha takliflar va tuman byudjeti loyihasi maʼqullangan taqdirda, “2023-yil uchun Qoraqalpogʻiston Respublikasi Amudaryo tumani mahalliy byudjeti toʻgʻrisida”gi qaror loyihasida mahalliy daromadlari 77.5 mlrd. soʻm, transfert 165.4 mlrd. soʻm, xarajatlari esa 242.9 mlrd. soʻm prognoz qilinmoqda.

Shuni alohida taʼkidlashni istardimki, byudjet  mablagʻlari maqsadli va xalq farovonligini oshirish, turmush sharoitini zamon talablari darajasiga yetkazish, tumanimizni ijtimoiy-iqtisodiy rivojlantirish uchun sarflanadi.

U.Bekniyazov, tuman Moliya boʻlimi mudiri.