YOʻLLAR RAVON, KOʻChALAR OBOD, TURMUSh FAROVON BOʻLADI

Bugungi kunda xalq orasida boʻlish, aholi bilan yuzma-yuz muloqot qilish, dard-u tashvishlarini tinglash, muammolarini oʻrganish va ularni bartaraf etish, mahallabay tizimida ish yuritish kabilar davlatimiz rahbari tomonidan tashkil etilgan 4 ta sektor va boshqa mutasaddi idoralar rahbarlari zimmasidagi asosiy vazifa hisoblanadi. Shu bois, hududlarda aholiga qiyinchilik tugʻdirayotgan mavjud kamchiliklar oʻrganilib, ularga joyida yechim topilmoqda.

Prezidentimizning bu boradagi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi Qaroriga asosan tumanimizning barcha hududlarida aholini qiynayotgan muammolarni bartaraf etish va infratuzilmani rivojlantirish maqsadida 25 mlrd. 595 mln. soʻm pul mablagʻlari ajratilishi belgilangan edi. Ushbu mablagʻlar hisobidan jami 26 ta obʼekt, shundan 20 ta mahallada ichki yoʻllarni taʼmirlash, 2 ta mahallada suv inshootlarini rekonstruktsiya qilish, 2 ta mahallada mahalla maʼmuriy binosini va 1 ta mahallada bolalar sport maydonchasini yangidan qurish, 1 ta mahallada elektr tarmoqlarini tortish rejalashtirildi. Shundan 1-sektor hududida 3,4 mlrd. soʻmlik 5 ta loyihani amalga oshirish belgilab olindi.

Sektor hududidagi Besh tom mahallasida qiymati 464,7 mln. soʻmlik jami 3,9 km. uzunlikdagi ichki koʻcha yoʻllari taʼmirlanadi. Bunda Qipchoq-1-, 2-uchastkasining 0,5 km., Qizil uy-4-, 1-, 2-, 3-uchastkasining 0,8 km., Qizil uy-5-, 6-koʻchalarining  0,6 km., Sofdil-1-, 2-, 3-, 4-, 5-, 6-, 7-, 8-, 9-koʻchalarining 2 km. qismida joriy taʼmirlash ishlari amalga oshiriladi.

Daryo boʻyi mahallasi hududida qiymati 664,1 mln. soʻmlik 3,2 km. uzunlikdagi ichki koʻcha yoʻllari taʼmirlanishi belgilangan boʻlib, bunga Oromgoh koʻchasining 0,3 km., Taraqqiyot-1-, 6-koʻchalarining 1,2 km., Taraqqiyot-5-, 1-, 2-, 3-uchastkasining 0,6 km., Taraqqiyot-3, 1-, 2-, 3-uchastkasining 0,8 km. qismi kiradi.

Shuningdek, Oybek nomli mahalla hududida ham qiymati 1,2 mlrd. soʻmlik 6,4 km. uzunlikdagi ichki koʻcha yoʻllarini taʼmirlash ishlari bajariladi. Taʼmirlash ishlari Bobur nomli koʻchaning 0,3 km., Qardoshlar 1-, 2-uchastkasining  0,4 km., Ravnaq koʻchasining 0,2 km., Alpomish-1-,2-, 3-uchastkasining 0,8 km., Fitrat nomli 1-, 2-, 3-uchastkaning 1,3 km., Istiqlol,  Gulshan koʻchalarining 0,3 km., Ming-chinor-4-, 1-, 2-uchastkasining 0,37 km.,  Mingchinor-3-, 1-, 2-uchastkasining 0,38 km., Mingchinor-2-, 1-, 2-uchastkasining 0,3 km., Mingchinor-1 1-, 2-uchastkasining 0,35 km., Mingchinor-5-, 6-uchastkasining 0,6 km., Iftixor-1-, 2-uchastkasining 0,4 km., Chorbogʻ-1-, 2-uchastkasining 0,5 km. qismida amalga oshiriladi.

Gulzor mahallasi hududida esa 920 mln. soʻmlik 5,2 km. uzunlikdagi ichki koʻcha yoʻllari taʼmirlanadi. Istiqbol-1-, 2-, 3-, 4-, 5-, 6-, 7-, 8-, 9-, 10-, 11-koʻchalarining 4,0 km., Usmon Nosir-1-, 2-, 3-, 4-koʻchalarining 1,2 km. qismida joriy taʼmirlash ishlari bajariladi.

Undan tashqari, Qipchoq shaharchasi hududida ham 100 mln. soʻmlik 2 km. uzunlikda SIP-35 elektr kabelini yangidan tortish ishlarini amalga oshirish rejalashtirilgan.

Bugungi kunda tender savdolari natijalariga koʻra, belgilangan tartibda pudratchi tashkilotlari aniqlanib, qurilish ishlari boshlanmoqda.

Yoʻllarni ravon, koʻchalarni obod qilib, xalqimiz uchun  qulay sharoitlar yaratish, aholi farovonligini taʼminlash bugungi kundagi dolzarb vazifa sanaladi. Shu bois, odamlarni hayotdan rozi qilish, turmush tarzini yanada yaxshilash, ularning orzu-umidlarini roʻyobga chiqarish borasidagi ishlarni qizgʻin va jadal davom ettiramiz.

S.Yoʻldashev, tuman hokimi,

1-sektor rahbari.