YaNGI FARMONLAR ODIL SUDLOVGA ERIShIShDA MUHIM ASOS BOʻLADI
Yurtimizda sud-huquq sohasini takomillashtirish, sudlar faoliyati samaradorligi va odil sudlov sifatini oshirish borasidagi oʻzgarishlar fuqarolarning huquq va qonuniy manfaatlarini himoya qilishga qaratilgan islohotlar davom etmoqda. Prezidentimizning 2023-yil 16-yanvardagi “Odil sudlovga erishish imkoniyatlarini yanada kengaytirish va sudlar faoliyati samaradorligini oshirishga doir qoʻshimcha chora-tadbirlar toʻgʻrisida”gi PF-11-son hamda “Odil sudlov faoliyatini amalga oshirishni samarali tashkil etish boʻyicha qoʻshimcha chora-tadbirlar toʻgʻrisida”gi PF-12-son Farmonlari bu boradagi yana bir muhim yangiliklardan biri boʻldi. Ushbu Farmonlar bilan sud hokimiyatining chinakam mustaqilligini taʼminlash, sudlar faoliyati samaradorligi va odil sudlov sifatini oshirish maqsad qilingan.
Taʼkidlash joizki, “Odil sudlovga erishish imkoniyatlarini yanada kengaytirish va sudlar faoliyati samaradorligini oshirishga doir qoʻshimcha chora-tadbirlar toʻgʻrisida”gi Farmonga koʻra sud-huquq tizimining jadal isloh qilinishini taʼminlash, aholining odil sudlovga erishish darajasini yanada oshirish boʻyicha 2023-2026-yillarga moʻljallangan sud tizimini sifat jihatidan yangi bosqichga olib chiqishning qisqa muddatli strategiyasi tasdiqlandi. “Odil sudlov faoliyatini amalga oshirishni samarali tashkil etish boʻyicha qoʻshimcha chora-tadbirlar toʻgʻrisida”gi Farmonda esa ilgʻor xorijiy tajribadan kelib chiqqan holda ayrim toifadagi fuqarolik, iqtisodiy va maʼmuriy huquqbuzarlik toʻgʻrisidagi ishlarni koʻrish vakolatini tegishliligi boʻyicha maʼmuriy organlarga oʻtkazilishi va ayrim toifadagi jinoyat, fuqarolik, iqtisodiy va maʼmuriy huquqbuzarlik toʻgʻrisidagi ishlarni quyi instantsiya sudlarining oʻzida yakunlash tartibi belgilangan.
Bir soʻz bilan aytganda, mazkur Farmonlarning qabul qilinishi “Inson qadri uchun” gʻoyasi asosida chinakam adolatli sud tizimini yanada mustahkamlash bilan birgalikda, xalqimiz manfaati va inson qadr-qimmatini samarali himoya qilishga xizmat qiladi.
Q.Atamurodov, Fuqarolik ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
