“AMUDARYOTEX” XORIJIY KORXONASIDA MAXSUS-TAKTIK OʻQUV MAShQI OʻTKAZILDI

Qoraqalpogʻiston Respublikasi Vazirlar Kengashining Raisi - Fuqaro muhofazasi boshligʻining 2023-yil 9-yanvardagi 1-sonli buyrugʻi hamda Amudaryo tumani hokimi - Fuqaro muhofazasi boshligʻining 2023-yil 12-yanvardagi 1-sonli buyrugʻining 3-ilovasiga muvofiq tasdiqlangan maxsus-taktik oʻquv mashqi rejasining ijrosini taʼminlash maqsadida, tuman hududidagi “Amudaryotex” xorijiy korxonasi masʼuliyati cheklangan jamiyatida joriy yilning 12-aprel kuni “Iqtisodiyot obʼektida yuzaga kelishi mumkin boʻlgan favqulodda vaziyatlarda fuqaro muhofazasi tuzilmasi va obʼekt rahbariyatining harakatlari” mavzusida maxsus-taktik oʻquv mashqi oʻtkazildi.

Oʻquv mashqiga, obʼektning fuqaro muhofazasi tuzilmasi xodimlari, Favqulodda vaziyatlarning oldini olish va ularni bartaraf etish davlat tizimi Amudaryo tumani boʻgʻiniga kiruvchi idora, korxona va tashkilotlarning masʼul xodimlari ishtirok etishdi. Oʻtkazilgan maxsus-taktik oʻquv mashqini tuman Favqulodda vaziyatlar boʻlimi boshligʻi oʻrinbosari, mayor Salamat Berdekeyev va boʻlinma boshligʻi, kapitan Bekzod Tajibayevlar olib bordilar.

Oʻquv mashqini oʻtkazishdan maqsad tabiiy va texnogen tusdagi favqulodda vaziyatlar yuzaga kelganda iqtisodiyot obʼekti rahbarlar tarkibi hamda fuqaro muhofazasi shaxsiy tarkibining toʻgʻri harakat qilish koʻnikmalarini takomillashtirish, boshqaruv organi va fuqaro muhofazasi shaxsiy tarkibini kechiktirib boʻlmaydigan avariya va qutqaruv ishlariga tayyorgarligini kuchaytirish, favqulodda vaziyatlar yuzaga kelganda fuqaro muhofazasi shaxsiy tarkibining oʻz majburiyatlarini aniq va toʻgʻri bajarishini amaliyotda sinash va oʻrganish, tuman fuqaro muhofazasi xizmatlarining hamkorlikdagi harakatlarini takomillashtirishdan iborat.

Unga koʻra, 1-bosqich “Obʼektda yuzaga kelishi mumkin boʻlgan favqulodda vaziyatlarda fuqaro muhofazasi tuzilmasi va obʼekt rahbariyatining harakatlari” mavzusida oʻquv mashqining nazariy qismi hamda saf koʻrigi obʼekt fuqaro muhofazasi tuzilmasi va tuman FVDqT xizmatlari boshliqlari bilan oʻtkazildi.

Maxsus-taktik oʻquv mashqining 2-bosqichi obʼektda zilzila natijasida avariyalar sodir boʻlib, vayronalar ostida qolgan jabrlanganlarni qutqarish va obʼekt fuqaro muhofazasi tuzilmasi tomonidan birinchi tibbiy yordam koʻrsatilishi, yongʻin sodir boʻlganda yongʻin oʻchirish guruhining birinchi harakatlari va tuman Yongʻin-qutqaruv qismlarining favqulodda vaziyat sodir boʻlganda jabrlanganlarni qutqarish va birinchi tibbiy yordam koʻrsatishlari, yongʻin oʻchirish vositalari bilan yongʻin oqibatlarini bartaraf etish ishlarini bajarish hamda obʼektda huquqbuzarlik sodir etilishining oldini olish hamda ularni oʻz vaqtida bartaraf etishda Milliy gvardiya Qoʻriqlash boʻlimining harakatlari amalda koʻrsatib berildi.

Maxsus-taktik oʻquv mashqi jarayoniga « Amudaryotex» Xorijiy korxonasi Masʼuliyati cheklangan jamiyati rahbarlar tarkibi va obʼekt fuqaro muhofazasi tuzilmasidan 22 nafar, Milliy gvardiya xodimlaridan 6 nafar xodim va 2 ta texnika, tuman Ichki ishlar boʻlimidan 3 nafar xodim va 1 ta texnika, tuman Favqulodda vaziyatlar boʻlimidan 7 nafar xodim va 2 ta maxsus texnika, Tez tibbiy yordam xizmatidan 3 nafar xodim va 1 ta maxsus texnika, tuman Sanitoriya epidemiologiya osoyishtalik va jamoat salomatligi boʻlimidan 7 nafar xodim va 1 ta maxsus texnika, elektr tarmoqlari korxonasidan 4 nafar xodim va 1 ta texnika, “Amudaryotumangaz” gaz taʼminoti boʻlimidan 6 nafar xodim va 1 ta texnika, ekologiya va atrof-muhitni muhofaza qilish inspektsiyasi va Toza hudud Davlat unitar korxonasidan 2 nafar xodim, Telekommunikatsiya tarmogʻidan 3 nafar xodim, Suv taʼminoti masʼuliyati cheklangan jamiyatidan 3 nafar xodim va 1 ta texnika, Obodonlashtirish boshqarmasidan 4 nafar xodim va 1 ta maxsus texnika, Doʻstlik va Yangiobod MFY hamda obʼekt atrofidagi aholidan 20 nafar kishi, jami 90 nafar kishi va 11 ta maxsus texnikalar jalb qilindi.

Maxsus-taktik oʻquv mashqi yakuniga koʻra, «Amudaryotex» xorijiy korxona masʼuliyati cheklangan jamiyati rahbarlari tarkibi va fuqaro muhofazasi tuzilmalari shaxsiy tarkibi favqulodda vaziyatlarda harakat qilishga «Cheklangan tayyor», deb baholandi va masʼullar tomonidan ishtirokchilarning kamchiliklari koʻrsatilib, kelgusida bunday kamchiliklarga yoʻl qoʻymasliklari toʻgʻrisida tushunchalar berildi.

X.MATYaKUBOV, Amudaryo tumani FVB boshligʻi, podpolkovnik.