“Yangi Oʻzbekistonning ibratli oilasi” koʻrik-tanlovining tuman bosqichi boʻlib oʻtdi

Oilalarni mustahkamlash, ularni qoʻllab-quvvatlash, oilaviy qadriyatlarni targʻib qilish borasida keng koʻlamli loyihalar amalga oshirilmoqda.

Maʼnaviy-ahloqiy muhitni yaxshilash, farovonlik darajasini oshirish, xotin-qizlarni har tomonlama qoʻllab-quvvatlashning huquqiy asoslari yaratilmoqda.

Amudaryo tumanida “Farovon oila sari” gʻoyasi ostida  “Yangi Oʻzbekistonning ibratli oilasi” koʻrik-tanlovi oʻtkazildi.

Tadbirda tuman hokimi oʻrinbosari, Oila va xotin-qizlar boʻlimi boshligʻi Goʻzal Saburova mamlakatimizda oilalar mustahkamligini kuchaytirish, jamiyatda oilaviy qadriyatlarni targʻib qilish, oilalarda maʼnaviy-axloqiy muhitni yaxshilash, xotin-qizlarni har tomonlama qoʻllab-quvvatlash borasida amalga oshirilayotgan qator chora-tadbirlar xususida gapirib oʻtdi.

15-may – Xalqaro oila kuni munosabati bilan tashkillangan ushbu koʻrik-tanlovda tumandagi mahallalardan eng namunali oilalar ishtirok etdilar. Tanlovning sektor bosqichida gʻoliblikni qoʻlga kiritib tuman bosqichiga yetib kelgan Nazarxan OFY dan Turdimuratovlar oilasi, Qilichboy OFY dan Matyakubovlaar oilasi, Ayoqchi MFY dan Gulimbetovlar oilasi, Bobur OFY dan Allambergenovlar oilasi, QangliOFYdan Toʻrayevlar oilasi faol ishtirok etishdi.

Yakuniy natijalarga koʻra, Nazarxon OFY dan Turdimuratovlar oilasi gʻolib boʻlib Respublika bosqichiga yoʻllanmani qoʻlga kiritdi.

Barcha ishtirok etgan oilalarga esdalik sovgʻalari topshirildi.

Tuman hokimligining Axborot xizmati