Amudaryo tumanining qadimiy qishloqlaridan biri - Boʻz-yop tarixi haqida
Boʻz-yop Amudaryo tumanining qadimiy qishloqlaridan biri boʻlib, Abulgʻoziyxon (1642-1663) davrida toʻla shakllangan. Qishloq tarkibida elat va ovular ichida eng yoshi ulugʻi – Chordara. Negaki uning nomi oʻlkaga turkiy qavmlar joylashib olmasdan oldin rasmiylashgan.
“Chordara” Xorazmcha atama boʻlib, toʻrt taraf darvoza, yoki 4 daha qavmdan iborat el degan maʼnoni anglatadi. Chordara aholi punkti hududida “Choʻloq Eshon bobo” qabristoni mavjud. Uning bunday deb nomlanishiga sabab – elning etiborli kishilaridan boʻlgan Choʻloq Eshon bobo shu yerga dafn qilingan.
Chordara Xiva xoniga qarindosh boʻlgan Isa Toʻraning yeri boʻlib, atrofi paxsa devor bilan oʻralgan, faqat bitta darvozasi boʻlgan. Bu yerga har yili Xiva xoni kelib dam olib ketgan. Shuningdek bu yerda kulolchi ustalar ham boʻlgan. Ular loydan koʻza, badiya, chigʻirning digirlarini ishlagan. Chordara savdo karvonlari toʻxtab oʻtadigan fayzli joy boʻlgan. “Bojmon”, “Alam”, “Qonotboy”, “Qorajon”, “Yarimchi”, “Sari ovul” kabi nomlar moʻgʻul istilosidan soʻng paydo boʻlgan.
XX asrning 20-yillarida tuzilgan dastlabki ovul kengashiga “Boʻz-yop” deb nom qoʻyilgan va uning birinchi oqsaqoli Qoʻshmuhammad Qoʻziboy oʻgʻli boʻlgan.
Boʻz-yop ovul fuqarolar yigʻini Qoraqalpogʻiston Respublikasi Joʻqorgʻi Kengesining 1997-yil 31-dekabrdagi 509-sonli qaroriga asosan Xitoy ovul fuqorolar yigʻinidan ajratib chiqarilgan.
Roza Ogʻaboyeva, 10-sonli maktab oʻqituvchisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
