“Mahalla” xayriya jamoat fondi tuman boʻlinmasining “Obod mahallam” nomli grant loyihasiga doirasida Kambagʻallikni qisqartirish va bandlikka koʻmaklashish boʻlimida tadbir oʻtkazildi

Qoraqalpogʻiston Respublikasi Joʻqorgʻi Kengesi huzuridagi NNTlar va fuqarolik jamiyatining boshqa institutlarini qoʻllab-quvvatlash jamoat fondi tomonidan “Mahallalarda obodlikni taʼminlash, aholi oʻrtasida sogʻlom turmush tarzini targʻib qilish, aholining tibbiy va ekologik madaniyatini oshirish” mavzusida eʼlon qilingan 5-grant tanlovida Oʻzbekiston “Mahalla” xayriya jamoat fondi Qoraqalpogʻiston Respublikasi Amudaryo tuman boʻlinmasi “Obod mahallam” nomli loyihasi bilan ishtirok etib, 40,0 mln. soʻm grant mablagʻini yutib oldi.

Oʻzbekiston “Mahalla” xayriya jamoat fondi Amudaryo tuman boʻlinmasining ushbu loyihani amalga oshirishdagi asosiy maqsadi – atrof muhitni muhofaza qilish va tabiiy resurslardan oqilona foydalanish sohasidagi qonun hujjatlari talablari buzilishining oldini olish, uni aniqlash va unga chek qoʻyishga, tabiatni muhofaza qilish faoliyati samaradorligini oshirishga hissa qoʻshish maqsadida qonun hujjatlariga muvofiq fuqarolarning oʻzini oʻzi boshqarish organlari, nodavlat notijorat tashkilotlari va fuqarolar bilan hamkorlikda jamoatchilik ekologik nazoratini amalga oshirish, aholining ekologiyaga oid bilimlarini kengaytirish maqsadida uchrashuvlar, davra suhbatlari, tanlovlar tashkil qilish, hududlarni obodonlashtirish va koʻkalamzorlashtirish, atrof-muhit muhofazasiga hissa qoʻshishdan iborat.

Oʻzbekiston “Mahalla” xayriya jamoat fondi Amudaryo tuman boʻlinmasining “Obod mahallam” nomli grant loyihasi ish rejasi 2023-yil avgust oyi uchun belgilanagan ish rejasiga muvofiq atrof muhitni muhofaza qilish va tabiiy resurslardan oqilona foydalanish sohasidagi qonun hujjatlari talablarini aholining keng qatlamiga tushuntirish maqsadida Beruniy MFYda Mangʻit shahri va shahar atrofidagi ovul va mahalla fuqarolar yigʻinlari vakillari ishtirokida uchrashuv oʻtkazish belgilangan.

Fuqarolar yigʻinlari huzuridagi ekologiya va atrof muhitni muhofaza qilish, obodonlashtirish va koʻkalamzorlashtirish boʻyicha komissiyalar faoliyati samaradorligini yanada yaxshilash maqsadida tumandagi barcha fuqarolar yigʻilari raislari va soha mutaxassislari ishtirokida Amudaryo tumani Kambagʻallikni qisqartirish va bandlikka koʻmaklashish boʻlimi binosida tumanning uchrashuv tashkil qilindi. Uchrashuvda fuqarolar yigʻinlari raislari va soha mutaxassisilari jami 57 nafari ishtirokchi qatnashdi.

Uchrashuvda atrof muhitni muhofaza qilish va tabiiy resurslardan oqilona foydalanish sohasidagi qonun hujjatlari talablarini aholining keng qatlamiga tushuntirish va ularni obodonlashtirish ishlarida faol ishtirokini taʼminlash boʻyicha tegishli tushuntirishlar berib oʻtildi.

Uchrashuvda Amudaryo tumani Kambagʻallikni qisqartirish va bandlikka koʻmaklashish boʻlimi boshligʻi v.v.b M.Boltayev, loyiha kordinatori X.Sultanov, Amudaryo tumani Kambagʻallikni qisqartirish va bandlikka koʻmaklashish boʻlimi shuʼba mudiri B.Turabayev, Olmazor va Beruniy nomli mahalla fuqarolar yigʻini raislari A.Madraimov, M.Xaybullayevlar mavzu boʻyicha maʼruza qildilar.

Hidoyat Sultonov, loyiha koordinatori