Xalqaro bagʻrikenglik kuniga bagʻishlangan tadbir oʻtkazildi
2023-yil 10-noyabr kuni Qoraqalpogʻiston Respublikasi Vazirlar Kengashining “Oʻzbekiston Respublikasi Vazirlar Mahkamasining 2023-yil 28-oktyabrdagi xatiga asosan 16-noyabr – “Xalqaro bagʻrikenglik kuni” oʻtkazilishi munosabati bilan 13-19-noyabr kunlari Qoraqalpogʻiston Respublikasida “Maʼrifat va millatlararo bagʻrikenglik” shiori ostida “Bagʻrikenglik haftaligi”ni tashkil etish va oʻtkazish toʻgʻrisida”gi bayoni imzolangan edi.
Ushbu bayonnomaga asosan “Bagʻrikenglik haftaligi” doirasida 16-noyabr kuni Amudaryo tuman Madaniyat boʻlimida “Oʻzbekiston – bagʻrikeng diyor” mavzusida maʼnaviy-maʼrifiy tadbir boʻlib oʻtdi.
Tadbirda Qoraqalpogʻiston Respublikasi Maʼnaviyat va maʼrifat markazi tuman boʻlinmasi xodimlari, tuman Maktabgacha va maktab taʼlimi boʻlimi masʼullari, oʻquvchi-yoshlar hamda tumanimizda istiqomat qiluvchi turli millat va elat vakillari ishtirok etdilar.
“Bagʻrikenglik haftaligi”ni oʻtkazishdan maqsad – jamiyatimizda doʻstlik va bagʻrikenglik muhitini mustahkamlash, yoshlarni Vatanga muhabbat va sadoqat, milliy va umuminsoniy qadriyatlarni hurmat qilish ruhida tarbiyalash, qardosh mamlakatlar fuqarolari bilan doʻstlik aloqalarini rivojlantirishdan iborat.
Tadbirda soʻzga chiqqanlar bagʻrikenglik – oʻzbek xalqi maʼnaviyati va madaniyatining ajralmas qismi hisoblanishini, Oʻzbekistonda nafaqat ijtimoiy-iqtisodiy, siyosiy sohalar, balki bu zaminda istiqomat qilib kelayotgan turli millat va elatlar oʻrtasida doʻstlik rishtalarini yanada mustahkamlash, diniy bagʻrikenglik tamoyillarini qaror toptirishga ham alohida eʼtibor qaratib kelinayotganligini alohida qayd etib oʻtdilar.
Tadbir davomida mamlakatimizda olib borilayotgan keng koʻlamli islohotlar markazida, avvalo, inson manfaati, uning huquq va erkinliklarini taʼminlash maqsadi borligi, fuqarolar manfaatlarini faqatgina tinchlik va osoyishtalik, oʻzaro hurmat, mehr-oqibat va hamjihatlik muhitini yaratish orqali taʼminlash mumkinligi, Oʻzbekistonda fuqarolarning teng huquqliligi, ijtimoiy adolat, qonun ustuvorligi, millat va elatlarning madaniy, til va diniy qadriyatlari, anʼana va urf-odatlari oʻzaro hurmat qilinishi xususida fikr-mulohazalar bildirildi.
Shuningdek, tadbir ishtirokchilari tomonidan yurtimizda turli millat va elatlar vakillari oʻrtasidagi ahil-inoqlik, hamjihatlikni taʼminlash borasida amalga oshirilayotgan ishlar, tinchlik-osoyishtalik, barqarorlikni saqlash yoʻlida olib borilayotgan oqilona islohotlar, amaliy chora-tadbirlar haqida soʻz yuritildi.
Mamlakatimiz dunyo davlatlari uchun bagʻrikenglik borasida namuna boʻlib kelmoqda. Sababi, hozirgi kunda yurtimiz 140ga yaqin millat va elatlar vakillari uchun umumiy uy hisoblanadi.
“Bagʻrikenglik haftaligi” doirasida tashkil etiladigan tadbirlar aholi, ayniqsa, yosh avlodni respublikamizda yashab turgan turli millat va elat vakillarining tili, madaniyati, anʼanalari va urf-odatlarini hurmat qilish hamda rivojlantirishga, mamlakatimiz taraqqiyotiga oʻz hissasini qoʻshishga, jamiyatda koʻp millatli katta oila tuygʻusini, millatlararo totuvlik hamda diniy bagʻrikenglikni yanada mustahkamlashga xizmat qiladi.
Tadbirda tuman Madaniyat boʻlimi tomonidan millatlararo totuvlik, diniy bagʻrikenglik muhitini mustahkamlash, jahon hamjamiyati bilan doʻstona aloqalarni kuchaytirish, tinchlik va barqarorlikni taʼminlash, umuminsoniy qadriyatlarni asrab-avaylash, mamlakatlar va xalqlar oʻrtasidagi samimiy doʻstlik rishtalarini bogʻlashga bagʻishlangan kuy-qoʻshiqlar hamda badiiy chiqishlar namoyish etildi.
Tuman hokimligi Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
