QIMOR VA TAVAKKALChILIKKA ASOSLANGAN BOShQA OʻYINLARGA ARALAShISh – JINOYaT
Inson halol mehnat bilan daromad topib, roʻzgʻor tebratsa xotirjam yashaydi. Xonadoniga baraka, fayz kiradi, osuda, baxtiyor hayot kechiradi. Lekin shunga qaramasdan ayrim kishilar tezroq, koʻproq daromad topishni, moddiy boyliklarga ega boʻlishni, toʻkis yashashni istab, tuzatib boʻlmas xatolarga yoʻl qoʻyishadi. Ayniqsa, soʻnggi paytlarda tez boyib ketish maqsadida qimor va tavakkalchilikka asoslangan oʻyinlarga aralashib, bor budidan ayrilayotganlar koʻp uchramoqda.
Oʻzbekiston Respublikasi Jinoyat Kodeksining 278-moddasida bu jinoyat deb koʻrsatilgan boʻlib, tegishli jazolar belgilangan. Ushbu moddaga asosan qimor va tavakkalchilikka asoslangan boshqa oʻyinlarni qonunga xilof ravishda tashkil etish yoki oʻtkazish, shu jumladan ana shunday oʻyinlar uchun qimorxonalar tashkil etish yoki ularni saqlash yetti yilgacha ozodlikdan mahrum qilish bilan jazolanadi. Shuningdek, ushbu harakatlar takroran yoki xavfli retsidivist tomonidan, uyushgan guruh tomonidan yoki uning manfaatlarini koʻzlab sodir etilgan boʻlsa, yetti yildan oʻn yilgacha ozodlikdan mahrum qilish koʻrsatilgan.
Voyaga yetmagan shaxs qimor va tavakkalchilikka asoslangan boshqa oʻyinlarga jalb qilinsa, shunday harakatlar uchun maʼmuriy jazo qoʻllanilganidan keyin sodir etilgan boʻlsa bazaviy hisoblash miqdorining yigirma besh baravaridan ellik baravarigacha miqdorda jarima yoki uch yuz soatgacha majburiy jamoat ishlari yoxud ikki yilgacha axloq tuzatish ishlari bilan jazolanadi.
Qimor va tavakkalchilikka asoslangan boshqa oʻyinlarni tashkil etish yoki oʻtkazish uchun telekommunikatsiya tarmoqlarida, shu jumladan Internet jahon axborot tarmogʻi provayderlari tomonidan xizmatlar koʻrsatish, tegishli dasturiy taʼminotdan nusxa koʻpaytirish, uni koʻpaytirish, tarqatish, shunday harakatlar uchun maʼmuriy jazo qoʻllanilganidan keyin sodir etilgan boʻlsa bazaviy hisoblash miqdorining ellik baravaridan yetmish besh baravarigacha miqdorda jarima yoki uch yuz soatdan uch yuz oltmish soatgacha majburiy jamoat ishlari yoxud uch yilgacha axloq tuzatish ishlari bilan jazolanishi nazarda tutilgan.
Qimor va tavakkalchilikka asoslangan boshqa oʻyinlarga aralashish jinoyat sanaladi. Zero, xotirjam yashashni istagan har qanday odam hech qachon bunday nomaqbul ishlarga aslo qoʻl urmaydi.
Asqar Safarov, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
