“BIZ ZOʻRAVONLIKKA QARShIMIZ” AKTsIYaSI DOIRASIDA TADBIR OʻTKAZILDI

Birlashgan Millatlar Tashkiloti Bosh Assambleyasining 1999-yil 17-dekabrda qabul qilgan rezolyutsiya bilan 25-noyabr – Xalqaro ayollarga nisbatan zoʻravonlikka barham berish kuni deb eʼlon qilingan edi. Shundan beri mazkur sana dunyo mamlakatlarida keng nishonlanib keladi. Chunki hozirgi davrda ham dunyoning barcha hududlarida ayollarga nisbatan turli shakllarda zoʻravonlik holatlari uchrab turibdi.

Mamlakatimizda mazkur sana munosabati bilan har yili 25-noyabrdan 10-dekabrgacha “Zoʻravonlikka qarshi 16 kun” shiori ostida aktsiya oʻtkazib kelinmoqda. Aktsiya doirasida xotin-qizlarning, bolalarning zoʻravonlikka uchrashining oldini olish borasida turli tadbirlar oʻtkaziladi, zoʻravonlikning huquqiy  oqibatlari keng tushuntiriladi.

Shu yilning 29-noyabrida tumanimizdagi 32-sonli maktab amaliyotchi-psixologi Mahliyo Karimova 10-sinf rahbari Halima Matyoqubova bilan hamkorlikda shu sinf oʻquvchilarining ota-onalari uchun  aktsiyada doirasida “Biz zoʻravonlikka qarshimiz” mavzusida trening mashgʻuloti oʻtkazdi.

Tadbirda ota-onalar faol ishtirok etib, mavzu yuzasidan oʻz fikr-mulohazalarini bildirdilar.

Oygul RAJABOVA.