TUMANDA XOTIN-QIZLAR MUAMMOLARI BOSQIChMA-BOSQICh IJOBIY HAL QILINMOQDA
Amudaryo tumanidagi Xitoy ovulida juda eski va taʼmirtalab uyda farzandlari bilan yashab kelayotgan Barchinoy Abdullayevaga davlatimiz tomonidan muruvvat koʻrsatilib, yangidan uy qurib berildi. Bugungi kunda hamma sharoitlarga ega boʻlgan zamonaviy uy-joyga ega boʻlgan B.Abdullayeva hamda uning farzandlarining Prezidentimiz, qolaversa, tumanimiz rahbariyati va fuqarolar yigʻini masʼullariga minnatdorchiligi cheksiz. Ushbu uy 4 xonali boʻlib, oshxona va hammomlari ichkarida joylashgan. Tabiiy gaz yetib bormagan hudud boʻlgani sababli uy elektr energiyasi bilan isitishga moʻljallangan.
Shu oʻrinda taʼkidlash joizki, Amudaryo tumanida xotin-qizlarning faolligini oshirish, ularning taʼlim va kasbiy koʻnikmalar olishi hamda bandligini taʼminlashga har tomonlama koʻmaklashish, tadbirkorlik tashabbuslarini yanada qoʻllab-quvvatlash, “Ayollar daftari” bilan ishlash tizimini takomillashtirish borasida keng koʻlamli ishlar amalga oshirilmoqda. Shu kungacha 4-bosqich “Ayollar daftari”ga kiritilgan 5 398 nafar xotin-qizlarning 5 330 nafariga turli yordamlar koʻrsatildi.
Shundan ijtimoiy himoyaga muhtoj, ishsiz 1 943 nafar xotin-qizlarning 1 940 nafarining bandligi taʼminlandi. Tadbirkorlik qilish istagini bildirgan 685 nafar xotin-qizlarning 645 nafariga kredit mablagʻlari ajratildi. Boquvchisi boʻlmagan 1 183 nafar xotin-qizlarning 1 177 nafariga “Ayollar jamgʻarmasi” tomonidan BHMning 4 barobari miqdorida bir martalik moddiy yordamlar koʻrsatildi.
Uy-joy bilan taʼminlash boʻyicha dasturga 10 nafar xotin-qizlar kiritilgan boʻlib, joriy yilda shulardan 4 nafari uy-joy bilan taʼminlandi, 20 nafarining ijara kompensatsiya pullari toʻlab berildi.
Ayol baxtli boʻlsa, jamiyat ham gullab-yashnaydi. Tumanimiz ayollari ham muammolari bosqichma-bosqich ijobiy hal etilayotganidan, olib borilayotgan bunyodkorlik ishlaridan, davlatimiz tomonidan qoʻllab-quvvatlanayotganidan juda mamnun. Zero, bizning maqsadimiz ham bu boradagi vazifalarni toʻliq bajarib, ayollarimizning oʻz hayotidan mamnun yashashlariga koʻmak berishdir.
G.Saburova, tuman hokimi oʻrinbosari,
Oila va xotin-qizlar boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
