IShLASh ISTAGIDA BOʻLGAN FUQAROLARGA MUNOSIB MEHNAT ShAROITLARI YaRATILMOQDA
Davlat fuqarolarning bandligini taʼminlash, ularni ishsizlikdan himoya qilish, shuningdek, kambagʻallikni qisqartirish choralarini koʻradi.
Konstitutsiyaning 43-moddasidan.
Fuqarolarning munosib hayot kechirishini, millatlararo totuvlikni, koʻp millatli yurtimiz xalqining farovon va obod turmush kechirishini taʼminlashga xizmat qiladigan Asosiy Qonunimiz har birimizning faxrimiz, iftixorimizdir. Inson hayoti, erkinligi, shaʼni, qadr-qimmati yuksak tutilgani bois mazkur hujjatga hurmat-eʼtiborimiz yuqori.
Asosiy Qonunimizning 43-moddasida fuqarolarning bandligini taʼminlash masalalari eʼtiborga olingan.
Ha, darhaqiqat, mamlakatimizda aholi turmushi sifatini oshirishga, doimiy daromad manbaiga ega boʻlishi uchun bandligini taʼminlashga, ishsiz yoshlarni qayta kasb-hunarga oʻqitishga va tadbirkorlikka jalb etishga ulkan eʼtibor qaratilayapti.
Tuman Kambagʻallikni qisqartirish va aholi bandligiga koʻmaklashish boʻlimi tomonidan ham hududda yashovchi aholining turmushi farovonligini oshirish, ish bilan band boʻlmaganlarni boʻsh ish oʻrinlariga joylashtirish, oilaviy tadbirkorlikni rivojlantirish, oʻz biznesini tashkil etish istagidagi fuqarolarga imtiyozli kreditlar olishiga koʻmaklashish, subsidiya asosida mehnat qurollari bilan taʼminlash, ishsiz yoshlarni kasb-hunarga oʻqitish borasida tizimli ishlar olib borilayotir. Shu maqsadda joriy yilning oʻtgan 10 oyi davomida oilaviy tadbirkorlikni tashkil etish uchun dasturga muvofiq 4323 nafar fuqaroga 80724 mln. soʻm miqdorida yengillashtirilgan kreditlar ajratildi. 487 fuqaroga 340 mln. soʻm subsidiyalar ajratildi, 1341 nafar fuqaroga auktsion orqali uzoq muddatli ijaraga 754 gektar yer maydonlari ajratib berildi.
Boʻlim tomonidan faol ish izlayotgan 15671 nafar fuqarolarning bandligi taʼminlandi. Shundan doimiy ish oʻrinlariga 9158 nafar, haq toʻlanadigan jamoat ishlariga 573 nafar fuqaro joylashtirildi. 594 nafar fuqaroning esa oʻzini oʻzi band qilishi hisobiga bandligi taʼminlandi, 271 nafar fuqaro yangi tashkil etilgan kooperativlarga biriktirildi.
Oʻtgan 10 oyi mobaynida 626 nafar yoshlar kasb-hunarga oʻquv kurslarida oʻzlarining xohishlariga koʻra oʻqitildi. 923 tadbirkorlik subʼektlari tashkil qilindi.
Albatta, hayotda qanday yashash, qanday faoliyat bilan shugʻullanish har kimning oʻz ixtiyorida. Tuman Kambagʻallikni qisqartirish va aholi bandligiga koʻmaklashish boʻlimi tadbirkorlik, dehqonchilik qilish va xizmat koʻrsatish kabi turli sohalarda ishlash istagida boʻlgan fuqarolarni qoʻllab-quvvatlaydi va ularga munosib sharoitlar yaratishga intiladi.
Murodjon Boltayev,
tuman Kambagʻallikni qisqartirish va aholi
bandligiga koʻmaklashish boʻlimi xodimi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
