Yangi suv tozalash inshootining qurilishi boshlandi
Bugungi kunda mamlakatimizda aholini toza ichimlik suvi bilan taʼminlash eng ustuvor masalalardan biri sifatida qaralib, bu borada tizimli ishlar amalga oshirilmoqda.
Maʼlumki, aholini ichimlik suvi taʼminlash borasida tumanimizda ham muammo va qiyinchiliklar koʻp holatlarda uchrab turadi. Mangʻit suv tozalash inshootining yangidan qurilishi suv taʼminoti boʻyicha uchraydigan qator muammolarni bartaraf qilishi kutilmoqda. Joriy yilning 13-fevral sanasida tumanimizdagi Qipchoq OFY hududida suv tozalash inshooti qurilishining tamal toshi qoʻyildi.
Tadbirda tuman hokimi Sobir Xoʻjametov, sektorlar rahbarlari, hokim oʻrinbosarlari, quruvchi pudratchi tashkilot xodimlari, ovul va mahallalar oqsoqollari, ommaviy axborot vositalari vakillari ishtirok etdilar.
Tadbirda tuman hokimi Sobir Xoʻjametov soʻzga chiqib, davlatimiz rahbarining Qoraqalpogʻiston Respublikasining Amudaryo, Beruniy, Qoraoʻzak, Qoʻngʻirot, Nukus va Moʻynoq tumanlaridagi aholi va xoʻjalik yurituvchi subʼektlarning sifatli ichimlik suvi taʼminotini yanada yaxshilash, shuningdek, Osiyo taraqqiyot banki bilan hamkorlikni kengaytirish maqsadida “Osiyo taraqqiyot banki ishtirokida «Oʻzbekistonning gʻarbiy qismida ichimlik suvi taʼminoti tizimlarini rivojlantirish» loyihasini amalga oshirish chora-tadbirlari toʻgʻrisida” qarori bu boradagi ishlarda muhim dasturulamal boʻlayotganini taʼkidladi.
Mazkur qarorga asosan Amudaryo tumanida 2024-2025-yillarda “Osië taraqqiët banki” kredit mablagʻlari xisobidan jami 38,58 mln dollar mablagʻ ichimlik suv taʼminotini yaxshilash belgilangan.
Tadbirda soʻzga chiqqan quruvchi pudratchi tashkilot “Obi xayot injiniring" MChJ rahbari Rahimboy Rahimovning taʼkidlashicha, loyiha doirasida Amudaryo tumani uchun quvvati 40 ming m3/sut boʻlgan «Mangʻit» suv tozalash inshootini yangidan qurish rejalashtirilgan. Shu maqsadda "Obi xayot injiniring" MChJ va "Uy-Jay Qurilis" MChJ bilan 12,98 mln dollarlik shartnoma imzolangan. Bugungi kunda shartomaga asosan ishchi loyiha-smeta hujjatlari ishlab chiqilib, qurilish montaj ishlarini olib borish pudratchi tashkilot tomonidan amalga oshirilmoqda.
Shuningdek, tuman hokimining qurilish masalalari boʻyicha oʻrinbosari Bahodir Ernazarov tomonidan berilgan maʼlumotlarga koʻra “Osië taraqqiët banki” tomonidan ajratilgan 25,6 mln dollar kredit mablagʻlar hisobidan «Amudaryo tumanining ichimlik suv taʼminotini yaxshilash» loyihasi doirasida 68,5 km yetkazib beruvchi magistral suv tarmoqlari va 289,2 km ichki ichimlik suv tarmoqlari va 3 ta ichimlik suv inshootlarini qurish va rekonstruktsiya qilish ishlari rejalashtirilgan.
Tadbir ishtirokchilari Mangʻit suvni qayta tozalash inshootining tamal toshini qoʻydilar. Ushbu xayrli ish orqali tumanimiz aholisini uzoq yillardan beri qiynab kelayotgan suv taʼminoti borasidagi muammolar bartaraf qilinishini taʼkidladilar. Shundan soʻng Yusuf Eshon bobo jomeʼ masjidi imom-xatibi Abdurahmon Matsafayev soʻzga chiqib, butun tumanimiz ahlini boshlanayotgan xayrli ish bilan tabrikladi hamda quruvchilarning ishlariga rivoj, muvaffaqiyat tiladi.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
