Amudaryoliklar pullarini koʻproq nimalarga sarflaydi?

Agar 2024-yilning 1-choragi davomida Amudaryo tumani boʻyicha aholiga koʻrsatilgan jami xizmatlar hajmini 100 000 soʻm deb tasavvur qilsak, shartli amudaryolik ushbu 100 000 soʻmning

- salkam 30 000 soʻmini savdo xizmatlari uchun (bozor yoki doʻkondan mahsulot xarid qilishga);
- 27 000 soʻmini moliyaviy xizmatlarga (bank krediti va b.);
- 15 200 soʻmini transport xizmatlariga (yoʻlovchi, yuk tashish va b.);
- 8 300 soʻmini aloqa va axborotlashtirish xizmatlariga (telefon soʻzlashuvlari, internet va b.)
- 5600 soʻmini shaxsiy xizmatlarga (goʻzallik saloni va b.)
- 4000 soʻmini kompyuter va maishiy texnikalarini taʼmirlatishga;
- 2400 soʻmini koʻchmas mulk bilan bogʻliq xizmatlarga (loyihalash, kadastr va b)
- 2300 soʻmini yashash va ovqatlanishga (kafe-restoran, mehmonxona, toʻyxona va b.)
- 2100 soʻmini  ijaraga (uy, mashina va b. ijarasi)
- 600 soʻmini taʼlim sohasidagi xizmatlarga (bogʻcha, repetitor va b.)
- 400 soʻmini tibbiy xizmatlarga (tibbiy koʻrik, davolanish  va b.)
- 2200 soʻmini boshqa xizmatlarga sarflagan.

Demak, biz oʻz salomatligimiz hamda farzandlarimizning taʼlim olishi uchun bozor-oʻcharga sarflayotgan pulimizdan 50-70 baravar, telefon va internetga ajratayotgan pulimizdan 15-20 baravar, kafe va restoranda yeb-ichayotganimizdan 4-5 baravar kam mablagʻ ishlatmoqdamiz.

Amudaryo tumani Statistika boʻlimi maʼlumotlari asosida Gʻ.Yeshniyozov tayyorladi.