Tuman aholisining toza ichimlik suvi bilan taʼminlanganlik darajasi 65 foizga yetkaziladi
Suv sayyoramiz tabiiy boyliklari orasida alohida oʻrin egallaydi. Chunki, suv jonli va jonsiz tabiatni birlashtirib turuvchi muhim boʻgʻimdir. Yer yuzining qariyb 3/4 qismini suv tashkil qiladi. Ammo hayotimiz uchun zarur boʻlgan chuchuk suv koʻp emas – u tabiiy suvlar umumiy hajmining faqat 2,5 foizini tashkil etadi. Inson tanasining 70 foizi suvdan iboratligini hisobga olsak, insoniyat uchun chuchuk suvning naqadar muhim ekanligini yanada teran anglaymiz.
Bugungi kunda xonadonlarga ichimlik suvini sanitariya-gigiyenik talablariga javob beradigan va inson salomatligiga ziyon yetkazmaydigan holda yetkazish dolzarb masalalardan hisoblanadi. Shu sababli suv zararli moddalardan tozalanadi.
Oʻzbekiston Respublikasi Prezidentining 2019-yil 9-aprel kungi PQ-4271-sonli qarori bilan Amudaryo tumanidagi aholini toza ichimlik suvi bilan qamrab olish darajasini yanada oshirish maqsadida Osiyo taraqqiyot banki kredit mablagʻlari hisobidan jami 41,98 mln. dollarlik 2ta yirik loyihani amalga oshirish rejalashtirilgan. Mazkur loyiha doirasida sutkasiza 40 ming m3 suv yetkazib berish quvvatiga ega “Mangʻit” suv tozalash inshootini yangidan qurish hamda 68,5 km magistral va 289,2 km ichki suv tarmoqlarini tortish belgilangan.
Bugungi kunda 68,5 km magistral va 289,2 km ichki suv tarmoqlarini tortish boʻyicha “ArchICO” CE pudratchi tashkiloti bilan 29 mln dollorlik shartnoma imzolangan. “Obi hayot injiniring” MChJ va “Uy-jay Qurilis” MChJ pudratchi tashkilotlari bilan esa “Mangʻit” suv tozolash inshootini yangidan qurish boʻyicha 12,98 mln dollarlik shartnoma tuzilgan va qurilish ishlari boshlab yuborilgan.
Ushbu ishlar natijasida tumandagi koʻplab ovul-mahallalarga suv tarmogʻi oʻtkazilib, toza ichimlik suvi bilan taʼminlanganlik darajasi 65 foizga yetkaziladi.
“Obi hayot injiniring” MChJ bosh muhandisi Rasul Abdullayevga koʻra, qurilish ishlari belgilangan grafik boʻyicha olib borilmoqda. Hozirgi kunda filtrlash, 30 ming tonnalik suvni xlorlash va uzatish hamda laboratoriya xonalarini qurish ishlari jadal surʼatlarda davom ettirilmoqda.
Saʼdulla Sodiqov, Oʻzbekiston Ekologik partiyasi Amudaryo tuman Kengashi raisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
