Qishloq xoʻjaligi
👁 3,098
EL RIZQINI BUTUN QILGAN BALAND XIRMONLAR
Inson hayoti uchun zarur boʻlgan moddiy neʼmatlar koʻp. Lekin ular ichida eng azizi – non. Bu aziz neʼmat to inson uchun eng zarur oziq sifatida dasturxonga qoʻyilgunga qadar qilinadigan mehnat ham aziz. Dehqon mehnatining azizligi shundaki, u bir hovuch don sepgan dalasida bugʻdoy maysalari unib chiqqan damlardan boshlab, to gʻalla hosili yetilib, xirmoniga don toʻkilgunga qadar hayotining orombaxsh onlarini, huzur-halovatini tamoman unutib, dalasiga bogʻlanib yashaydi. Yashil maysalar dehqon mehr-muhabbatidan kuch olib oʻsadi, hosil toʻplaydi. Chehrasida bugʻdoy rangi aks etgan dehqonning halol va fidoyi mehnatining azizligi, qadri xirmonlar donga toʻlganda, tandirlardan quyoshday haroratli, ifori olamga tatigulik bugʻdoy nonlari uzilib, dasturxonlarga tortilganda yanada oshadi, ulugʻlanadi.
Azizlar, Oʻzbekiston ichra kichik bir Vatan – Amudaryo zaminiga bir boqing bugun! Bu zamindan ajib bir hovur koʻtarilayotir, olamlarni lol etgulik ifor taralayotir. Bu – hosil boshoqlari larzon gʻallazorlar hovuri, xirmonlarni toʻldirgan "qirmizi don", tandirlar toʻlib yopilgan bugʻdoy non ifori. Qilichboydan to Nazarxon ovullarigacha, Boʻz yop, Kuyuk koʻpir-u Xitoydan Jumurtov zaminiga qadar, "Oq oltin” ovulidan Amu sohillariga tutash Toʻlqin, Choykoʻl-u Qangli, Amir Temur ovullarigacha boʻlgan bepoyon gʻallazorlarda eng aziz va ulugʻ neʼmat – gʻalla xirmonlari boʻy tiklayotir. Tumanimizning lafzida qatʼiy, fidokor gʻallakorlari 19-iyun kuni ona Oʻzbekistonimizning ulugʻvor xirmoniga 4820 tonnadan ziyod "qirmizi don" topshirib, shartnomaviy majburiyatlarini sharaf bilan ado etdilar.
Elimizning rizqi ulugʻ, nasibasi toʻlugʻ boʻlgan ushbu zafarli onlarga gʻallakorlarimiz, albatta, osonlik bilan yetishganlari yoʻq. Qish oylarining qattiq sovuq boʻlishi, bahorgi bemavrid yogʻingarchiliklar, ob-havoning birdan isib va birdan sovib ketishi kabi injiqliklariga bardosh berib, dalasi boshidan ketmagan, el-yurt rizq-roʻziga baraka kiritish orzusida kunni tunga ulab mehnat qilgan dehqon sabr-bardoshi, matonati evaziga yaratilgan xirmonlar boʻy tikladi bugun.
Mustaqillik yillarida fermerlik harakatiga keng yoʻl ochib berilgani,uni mustahkamlash va taraqqiy ettirish uchun Yurtboshimiz tomonidan yaratib berilayotgan huquqiy, tashkiliy va moliyaviy zamin, bu harakatni har tomonlama qoʻllab-quvvatlash, ragʻbatlantirishga qaratilgan barcha ishlar fermerlarni qishloq xoʻjaligida hal qiluvchi kuch sifatida shakllantirdi. Yaʼni, dehqon oʻzini haqiqiy yer egasi, mulk sohibi, muhtaram Yurtboshimiz taʼbiri bilan aytganda, "jamiyatimizning tayanchi”ga aylantirdi. Shu maʼnoda aytish joizki, el-yurtimizning, barchamizning hayotimizga toʻkin-sochinlik baxsh etguvchi, jamiki noz-neʼmatlarning bunyodkori boʻlgan dehqon va fermerlarimizning dunyoqarashi, ong va tafakkuri, ijtimoiy faolligi kun sayin yuksalib borayotgani katta muvaffaqiyatlar, taraqqiyot sari yoʻl ochmoqdaki, buni tumanimiz gʻallakorlari erishayotgan yutuqlar ham isbotlab turibdi.
Tumanimiz fermerlari erishayotgan yuksak muvaffaqiyatlar haqida soʻz borganda, mustaqillik yillarining ulugʻvor shiori "Islohot islohot uchun emas, avvalo inson uchun!” degan daʼvatkor ruh har bir fermerning ish faoliyatida oʻz ifodasini topganini chuqur mamnuniyat bilan qayd etish joiz. Avvalo, yer oʻz haqiqiy egasini topgach, yanada ziynatlandi, deyish toʻgʻri boʻladi. Chunki agrar tizimda olib borilgan izchil islohotlar yerlarning meliorativ holatini yaxshilash, mavjud suv yoʻllarini, ayniqsa kollektor va drenajlarni qayta rekonstruktsiya qilish orqali yerning shoʻrlanish holati yuqori darajada pasayishiga erishildi. Bu esa oʻz navbatida qishloq xoʻjalik mahsulotlari yetishtirishda mavjud boʻlgan muammolardan biri - yer va tuproq ekologiyasining buzilishiga barham berdi va pirovardida har gektar yerga nisbatan hosildorlik yil sayin oshib bordi. Koʻrilgan bunday chora –tadbirlar gʻallachilik sohasida sezilarli natijalarga erishish imkonini berdi.
"Oʻz vaqtida qadalgan urugʻ, hosil berar baridan toʻlugʻ”,-degan dono xalqimizning iborasi bugun Amu elining tadbirkor dehqonlari, fermerlari dalalaridan yigʻib olinayotgan "qirmizi don” xirmonlarida tobora avjliroq jaranglamoqda. Amir Temur nomli, Doʻrman, "Oq oltin” ovullaridagi fermer xoʻjaliklari karvonboshilik qilgan sarbaland bugʻdoy xirmonlariga "Choykoʻl” ovulidagi "Nurullayev Bunyodbek”, Oʻrta qaʼla ovulidagi "Yergulobod”, "Boʻzyop” ovulidagi "Murodboyev Bektursun” fermer xoʻjaliklari birinchilardan boʻlib oʻz ulushlarini qoʻshdilar.
Amu elida biri-biridan tajriba oʻrganib, biri-biriga ish oʻrgatib mehnat qilayotgan hamjihat, hamfikr, ishbilarmon va tadbirkor fermerlar mehnat qilishadi. Amudaryolik gʻallakorlarning shashti hamisha baland, azm-u qarori qatʼiy. Dalalarda 6 ta otryadga birlashib, oʻrim-yigʻimni davom ettirayotgan gʻallakorlarimiz shartnomaviy majburiyatdan tashqari yana 710 tonna urugʻlik va davlatga qoʻshimcha yana 1500 tonna gʻalla topshirib, umumiy xirmonni 7030 tonnaga, hosildorlikni esa har gektar hisobiga 45 tsentnerga yetkazishni niyat qilganlar.
Niyat – yaxshi ishlarga quvvat, niyat – yarim davlatdir. El-yurt farovonligi, rizq-u nasibasining ulugʻligi uchun fidoyilik koʻrsatib, ona zamin bagʻridan dur-u gavhar undirib, ona Vatanga, xalqqa tortiq qilayotgan gʻallakor dehqonlarimiz bugun har qanday sharafga, eʼzoz-u ehtiromga munosib.
Aziz bobodehqon- yerning egasi,
Quyoshga qoʻl berib yashaguvchi mard.
Toʻkinlik siz qilgan mehnat mevasi,
Qahraton sovuqda yuqtirmagan gard.
Xirmonlar boshida yuzingiz yorugʻ
Tandirdan uzilar quyosh misol non.
Siz uchun atalgan har bir kun ulugʻ-
Nomingiz sharaflab turibdi Vatan!
Robiya YOʻLDOShEVA.
Azizlar, Oʻzbekiston ichra kichik bir Vatan – Amudaryo zaminiga bir boqing bugun! Bu zamindan ajib bir hovur koʻtarilayotir, olamlarni lol etgulik ifor taralayotir. Bu – hosil boshoqlari larzon gʻallazorlar hovuri, xirmonlarni toʻldirgan "qirmizi don", tandirlar toʻlib yopilgan bugʻdoy non ifori. Qilichboydan to Nazarxon ovullarigacha, Boʻz yop, Kuyuk koʻpir-u Xitoydan Jumurtov zaminiga qadar, "Oq oltin” ovulidan Amu sohillariga tutash Toʻlqin, Choykoʻl-u Qangli, Amir Temur ovullarigacha boʻlgan bepoyon gʻallazorlarda eng aziz va ulugʻ neʼmat – gʻalla xirmonlari boʻy tiklayotir. Tumanimizning lafzida qatʼiy, fidokor gʻallakorlari 19-iyun kuni ona Oʻzbekistonimizning ulugʻvor xirmoniga 4820 tonnadan ziyod "qirmizi don" topshirib, shartnomaviy majburiyatlarini sharaf bilan ado etdilar.
Elimizning rizqi ulugʻ, nasibasi toʻlugʻ boʻlgan ushbu zafarli onlarga gʻallakorlarimiz, albatta, osonlik bilan yetishganlari yoʻq. Qish oylarining qattiq sovuq boʻlishi, bahorgi bemavrid yogʻingarchiliklar, ob-havoning birdan isib va birdan sovib ketishi kabi injiqliklariga bardosh berib, dalasi boshidan ketmagan, el-yurt rizq-roʻziga baraka kiritish orzusida kunni tunga ulab mehnat qilgan dehqon sabr-bardoshi, matonati evaziga yaratilgan xirmonlar boʻy tikladi bugun.
Mustaqillik yillarida fermerlik harakatiga keng yoʻl ochib berilgani,uni mustahkamlash va taraqqiy ettirish uchun Yurtboshimiz tomonidan yaratib berilayotgan huquqiy, tashkiliy va moliyaviy zamin, bu harakatni har tomonlama qoʻllab-quvvatlash, ragʻbatlantirishga qaratilgan barcha ishlar fermerlarni qishloq xoʻjaligida hal qiluvchi kuch sifatida shakllantirdi. Yaʼni, dehqon oʻzini haqiqiy yer egasi, mulk sohibi, muhtaram Yurtboshimiz taʼbiri bilan aytganda, "jamiyatimizning tayanchi”ga aylantirdi. Shu maʼnoda aytish joizki, el-yurtimizning, barchamizning hayotimizga toʻkin-sochinlik baxsh etguvchi, jamiki noz-neʼmatlarning bunyodkori boʻlgan dehqon va fermerlarimizning dunyoqarashi, ong va tafakkuri, ijtimoiy faolligi kun sayin yuksalib borayotgani katta muvaffaqiyatlar, taraqqiyot sari yoʻl ochmoqdaki, buni tumanimiz gʻallakorlari erishayotgan yutuqlar ham isbotlab turibdi.
Tumanimiz fermerlari erishayotgan yuksak muvaffaqiyatlar haqida soʻz borganda, mustaqillik yillarining ulugʻvor shiori "Islohot islohot uchun emas, avvalo inson uchun!” degan daʼvatkor ruh har bir fermerning ish faoliyatida oʻz ifodasini topganini chuqur mamnuniyat bilan qayd etish joiz. Avvalo, yer oʻz haqiqiy egasini topgach, yanada ziynatlandi, deyish toʻgʻri boʻladi. Chunki agrar tizimda olib borilgan izchil islohotlar yerlarning meliorativ holatini yaxshilash, mavjud suv yoʻllarini, ayniqsa kollektor va drenajlarni qayta rekonstruktsiya qilish orqali yerning shoʻrlanish holati yuqori darajada pasayishiga erishildi. Bu esa oʻz navbatida qishloq xoʻjalik mahsulotlari yetishtirishda mavjud boʻlgan muammolardan biri - yer va tuproq ekologiyasining buzilishiga barham berdi va pirovardida har gektar yerga nisbatan hosildorlik yil sayin oshib bordi. Koʻrilgan bunday chora –tadbirlar gʻallachilik sohasida sezilarli natijalarga erishish imkonini berdi.
"Oʻz vaqtida qadalgan urugʻ, hosil berar baridan toʻlugʻ”,-degan dono xalqimizning iborasi bugun Amu elining tadbirkor dehqonlari, fermerlari dalalaridan yigʻib olinayotgan "qirmizi don” xirmonlarida tobora avjliroq jaranglamoqda. Amir Temur nomli, Doʻrman, "Oq oltin” ovullaridagi fermer xoʻjaliklari karvonboshilik qilgan sarbaland bugʻdoy xirmonlariga "Choykoʻl” ovulidagi "Nurullayev Bunyodbek”, Oʻrta qaʼla ovulidagi "Yergulobod”, "Boʻzyop” ovulidagi "Murodboyev Bektursun” fermer xoʻjaliklari birinchilardan boʻlib oʻz ulushlarini qoʻshdilar.
Amu elida biri-biridan tajriba oʻrganib, biri-biriga ish oʻrgatib mehnat qilayotgan hamjihat, hamfikr, ishbilarmon va tadbirkor fermerlar mehnat qilishadi. Amudaryolik gʻallakorlarning shashti hamisha baland, azm-u qarori qatʼiy. Dalalarda 6 ta otryadga birlashib, oʻrim-yigʻimni davom ettirayotgan gʻallakorlarimiz shartnomaviy majburiyatdan tashqari yana 710 tonna urugʻlik va davlatga qoʻshimcha yana 1500 tonna gʻalla topshirib, umumiy xirmonni 7030 tonnaga, hosildorlikni esa har gektar hisobiga 45 tsentnerga yetkazishni niyat qilganlar.
Niyat – yaxshi ishlarga quvvat, niyat – yarim davlatdir. El-yurt farovonligi, rizq-u nasibasining ulugʻligi uchun fidoyilik koʻrsatib, ona zamin bagʻridan dur-u gavhar undirib, ona Vatanga, xalqqa tortiq qilayotgan gʻallakor dehqonlarimiz bugun har qanday sharafga, eʼzoz-u ehtiromga munosib.
Aziz bobodehqon- yerning egasi,
Quyoshga qoʻl berib yashaguvchi mard.
Toʻkinlik siz qilgan mehnat mevasi,
Qahraton sovuqda yuqtirmagan gard.
Xirmonlar boshida yuzingiz yorugʻ
Tandirdan uzilar quyosh misol non.
Siz uchun atalgan har bir kun ulugʻ-
Nomingiz sharaflab turibdi Vatan!
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
