QISQA SATRLARDA
"Jayxun ilhomlari”dan yangilik
"Jayxun ilhomlari” nodavlat notijorat tashkiloti Oʻzbekiston Nodavlat notijorat tashkilotlari milliy assotsiatsiyasiga aʼzo boʻldi.
OʻzNNTMA aʼzo tashkilotlarga tashkiliy-huquqiy, moddiy va uslubiy yordam koʻrsatadi. Turli tashkilotlar, shu jumladan xorijiy tashkilotlarning grantlarini jalb qilishda yordam beradi.
Bundan tashqari, aʼzo tashkilotlar assotsiatsiyaning grant tanlovlarida ishtirok qilish imkoniyatiga ham ega boʻladi. Endilikda, ushbu assotsiatsiya tuman ijodkorlari uyushmasini ham har tomonlama qoʻllab-quvvatlaydi.
***
PLENUM BOʻLIB OʻTDI
Yaqinda Oʻzbekiston "Milliy tiklanish” demokratik partiyasi tuman Kengashining navbatdagi II Plenumi boʻlib oʻtdi. Plenumda partiyaning Oʻzbekiston Respublikasi davlat mustaqilligining yigirma toʻrt yilligiga bagʻishlab "Betakrorimsan, yagonasan, ona Vatanim – Oʻzbekistonim!” shiori ostida oʻtkaziladigan tadbirlar rejasi, partiyaning 2015-yil birinchi yarim yillikdagi faoliyati yakunlari va ikkinchi yarim yillikdagi faoliyatning asosiy yoʻnalishlari hamda partiya faoliyatiga oid boshqa masalalar muhokama etildi.
***
KOMPYuTER SOVGʻA QILINDI
Oʻzbekiston Mustaqil bosma ommaviy axborot vositalari va axborot agentliklarini qoʻllab-quvvatlash va rivojlantirish jamoat fondi mamlakatimizda faoliyat yuritayotgan bosma ommaviy axborot vositalari, axborot agentliklari va veb-saytlarni qoʻllab-quvvatlab, ularning moddiy-texnika bazasini yaxshilash ishlarini tizimli ravishda amalga oshirib kelmoqda.
Yaqinda "Taraqqiyot koʻzgusi” gazetasi tahririyatiga "Keksalarni eʼzozlash yili” davlat dasturi doirasidagi tadbirlarni yoritishdagi faolligi uchun fond tomonidan kompyuter sovgʻa qilindi.
***
BAYRAM ARAFASIDA
"Choykoʻl” ovulining markaziy guzari Mustaqillik bayrami arafasida yanada koʻrkam qiyofa kasb etdi. "Shayx qalʼa” aholi punkti hududidagi madaniyat va aholi dam olish maskani joylashgan koʻcha tuman yoʻl qurilish, pudrat, taʼmirlash va foydalanish korxonasi tomonidan asfalt qilinib, barcha xonadonlarning fasad qismlari toʻliq taʼmirlandi. Atrofi anvoyi gullarga burkangan madaniyat va aholi dam olish maskanida deyarli har haftada hududdagi maktab oʻquvchilari va ovulning havaskor yoshlari tomonidan "Betakrorimsan, yagonasan, ona Vatanim – Oʻzbekistonim!” shiori ostida bayram dasturlari namoyish etilmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
