HAMKORLIGIMIZ YaXShI SAMARA BERMOQDA
Oʻqituvchilik yurtimizda azaldan ulugʻ kasb sanalib kelingan. 1997-yildan beri 1-oktyabr – Oʻqituvchi va murabbiylar kuni umumxalq bayrami sifatida keng nishonlanib kelinishi sharafli kasb egalariga yuksak hurmat, eʼtiborning amaldagi ifodasidir.
Bugungi taʼlim-tarbiya kechagidan tubdan farq qiladi. Shu oʻrinda men jahon tajribasida uchramagan samarali uch muhim boʻgʻin – "Oila – mahalla – taʼlim muassasasi” hamkorligi asosidagi amaliyotning yoʻlga qoʻyilgani va uning hayotbaxsh natijalarini eʼtirof etishni istardim. Zotan, bu oltin xalqaning hamjihatlikdagi faoliyati yurtimizda ota-onalarning farzand tarbiyasidagi masʼuliyatini oshirdi. Bolalarni tarbiyalashda mahallaning taʼsir kuchidan unumli foydalanish imkonini berdi. Zero, mahalla ezgulik beshigi, tarbiya oʻchogʻi, yashash tarzi, milliy udumlar, urf-odat va anʼanalar shakllangan maskan boʻlib kelmoqda. Odamlarning bir-biriga mehr-oqibatli, muruvvatli, saxovatli boʻlishida va oʻziga xos jamoani shakllantirishda mahallalar juda muhim ahamiyat kasb etadi.
Bugun biz - mahalla tuzilmasi xodimlari yosh avlodni har tomonlama komil insonlar qilib tarbiyalash, kelajagimiz egalarini bilimli va hunarli qilib voyaga yetkazishda oʻqituvchilarning eng yaqin hamkorlari, hammaslaklarimiz.
Fursatdan foydalanib, tumanimizdagi barcha taʼlim sohasi fidoyilarini 1-oktyabr – Oʻqituvchi va murabbiylar kuni bilan samimiy tabriklayman. Ularga mustahkam sogʻlik, oilalariga tinchlik-xotirjamlik tilab qolaman. Barkamol avlod tarbiyasidek xayrli ishlaringizda doimo omad yor boʻlsin!
Gavhar ChIMBOYChIYeVA,
"Mahalla” xayriya jamoat fondi tuman boʻlinmasi mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
