“QIZILChOLI” MFY HUZURIDAGI KOMISSIYa – QORAQALPOGʻISTONDA BIRINChI OʻRINDA
Mamlakatimizda muhtaram Prezidentimiz rahnamoligida mahallalarda ijtimoiy-maʼnaviy muhit barqarorligini taʼminlash, sogʻlom va barkamol avlodni voyaga yetkazish, ularni milliy anʼana va qadriyatlarimizga hurmat ruhida tarbiyalash, boʻsh vaqtini mazmunli tashkil etish borasida salmoqli ishlar amalga oshirilmoqda. Bu borada fuqarolar yigʻinlari huzurida faoliyat yuritayotgan voyaga yetmaganlar, yoshlar va sport masalalari boʻyicha komissiyalarning ham oʻrni alohida
Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashining 2015-yil 18-maydagi yigʻilish bayoni bilan tasdiqlangan ish rejasining 33-bandi ijrosini taʼminlash maqsadida "Fuqarolar yigʻinlarining eng namunali voyaga yetmaganlar, yoshlar va sport masalalari boʻyicha komissiyasi” tanlovi tashkil etildi va oʻtkazildi.
Tanlovni oʻtkazishdan koʻzlangan asosiy maqsad fuqarolar yigʻinlarida samarali faoliyat koʻrsatib kelayotgan komissiyalarning ilgʻor ish tajribalarini keng ommalashtirish orqali yoshlarning maʼnaviy-maʼrifiy jihatdan yetuk boʻlib voyaga yetishlarini, ommaviy ravishda sport bilan shugʻullanishlarini, ularning huquqlari, erkinliklari va qonuniy manfaatlarini taʼminlash, ular oʻrtasida nazoratsizlik va huquqbuzarliklarning profilaktikasini amalga oshirish ishlarini jadallashtirish, mahallalarda maʼnaviy-maʼrifiy, tarbiyaviy, ijtimoiy, ekologik ishlarning amalga oshirilishidagi ijtimoiy faolligini yanada jonlantirishdan iboratdir.
Tanlovning tuman bosqichida 47 ta fuqarolar yigʻinlaridagi voyaga yetmaganlar, yoshlar va sport masalalari boʻyicha komissiyalarning ish faoliyati oʻrganib chiqildi va Nizomda belgilangan oʻnta yoʻnalish boʻyicha, belgilangan mezonlar asosida hakamlar hayʼati tomonidan ishtirokchilarning hujjatlari hamda faoliyatiga oid koʻrsatkichlari, erishgan yutuqlari qonuniylik, oshkoralik, adolatlilik, tenglik kabi asosiy printsiplarga rioya qilingan holda baholandi.
Tanlovda "Qizilcholi” mahalla fuqarolar yigʻinining voyaga yetmaganlar, yoshlar va sport masalalari boʻyicha komissiyasi birinchi oʻringa, "Besh ovul” mahalla fuqarolar yigʻini komissiyasi ikkinchi oʻringa, "Gulzor” mahalla fuqarolar yigʻini komissiyasi uchinchi oʻringa munosib, deb topildi va "Mahalla” xayriya jamoat fondi hamda hamkor tashkilotlarning diplom va esdalik sovgʻalari bilan taqdirlandi.
"Qizilcholi” mahalla fuqarolar yigʻinining voyaga yetmaganlar, yoshlar va sport masalalari boʻyicha komissiyasi tanlovning Qoraqalpogʻiston Respublikasi bosqichida ham faxrli birinchi oʻrinni egallab, "Mahalla” xayriya jamoat fondi Qoraqalpogʻiston Respublikasi boshqaruvi va hamkor tashkilotlar tomonidan diplom va sovgʻalar bilan taqdirlandi.
Gavhar ChIMBAYChIYeVA, "Mahalla” xayriya jamoat fondi tuman boʻlinmasi boshqaruvi bosh mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
