Ijtimoiy-maʼnaviy muhit barqarorligi yoʻlida

15-yanvar kuni tuman hokimligining majlislar zalida tumanda onalik va bolalikni muhofaza qilish, xotin-qizlar va voyaga yetmaganlar bilan ishlashish boʻyicha 2015-yil davomida olib borilgan ishlar va 2016-yil – "Sogʻlom ona va bola” yilidagi vazifalarga bagʻishlangan kengaytirilgan yigʻilish boʻlib oʻtdi.

Yigʻilishda tuman hokimligi mutaxassislari, tuman tibbiyot birlashmasi xodimlari, umumtaʼlim maktablarining direktorlari, akademik litsey hamda kasb-hunar kollejlarining maʼnaviyat va maʼrifat ishlari boʻyicha direktor oʻrinbosari, tumandagi ovul va mahalla fuqarolar yigʻinlarining diniy maʼrifat va maʼnaviy-axloqiy tarbiya masalalari boʻyicha maslahatchilari, huquqni muhofaza qilish organlari xodimlari, jamoat tashkilotlari rahbarlari va diniy idora vakillari ishtirok etdilar.

Yigʻilishni tuman hokimining birinchi oʻrinbosari Bahodir Yernazarov ochdi va olib bordi. Kun tartibidagi "Oʻzbekiston Respublikasi Prezidentining 2014-yil 1-avgustdagi "2011-2018-yillarda Oʻzbekistonda aholining reproduktiv salomatligini yanada mustahkamlash, onalar, bolalar va oʻsmirlar sogʻligini muhofaza qilish borasidagi Davlat dasturi toʻgʻrisida”gi qarori ijrosini taʼminlash boʻyicha 2015-yilda tumanda olib borilgan ishlar hamda 1 yoshgacha boʻlgan goʻdaklar va 14 yoshgacha boʻlgan bolalar oʻlimi holati tahlili, 2016-yildagi vazifalar toʻgʻrisida” tuman tibbiyot birlashmasi boshligʻi Olimboy Halimov, "Maktabgacha va maktab yoshidagi bolalarni chuqurlashtirilgan tibbiy koʻrikka toʻliq jalb etish, bolalarni, ayniqsa, qiz bolalarni jismoniy tarbiya va sportga jalb etishning  bugungi holati va bu borada taʼlim muassasalari xodimlari oldida turgan vazifalar, maktab oʻquvchi-yoshlari davomati, ular oʻrtasida huquqbuzarlik va jinoyatchilikning oldini olish borasida olib borilayotgan ishlar hamda ichki ishlar boʻlimining xizmat xonasi va militsiya tayanch punkti tomonidan olib kelingan bolalar bilan amalga oshirilgan ishlar haqida tuman xalq taʼlimi muassasalari faoliyatini metodik taʼminlash va tashkil etish boʻlimi mudiri Ashirboy Qoʻshayev, "Kasb-hunar kollejlari oʻquvchi-yoshlarining davomatini yashilash, ular oʻrtasida huquqbuzarlik va jinoyatchilikning, turli yot oqimlar va axborot hurujlariga berilib ketishning oldini olish borasida mutasaddi tashkilotlar va mahalla faollarining hamkorlikdagi  vazifalari toʻgʻrisida” "Mahalla” hayriya jamoat fondi tuman boʻlinmasi raisi Rustam Roʻzmetov, "Tumanda 2015-yil davomida onalik va bolalikni muhofaza qilish, xotin-qizlar va voyaga yetmaganlar bilan ishlashish borasida olib borilgan ishlar tahlili, 2016-yildagi vazifalar, aholining tibbiy madaniyatini oshirish, ayniqsahomilador ayollarning sogʻligi, oilada ularga boʻlgan munosabat masalalariga alohida eʼtibor qaratish hamda nazoratga olish, bu borada tibbiyot xodimlari bilan birgalikda taʼlim muassasalari, jamoat tashkilotlari, ayniqsa ovul va mahalla faollari hamkorligini yanada yaxshilash borasidagi dolzarb vazifalar toʻgʻisida”gi masala boʻyicha tuman hokimi oʻrinbosari, xotin-qizlar qoʻmitasi raisi Maryam Ahmedovalar maʼruza qildi.

Soʻzga chiqqanlar taʼkidlaganlaridek, oilalardagi ijtimoiy-maʼnaviy muhit barqarorligi jamiyatda tinchlik va totuvlik hukm surishining bosh omilidir. Shunday ekan, oilada oʻzaro hurmat, yoshi ulugʻlarga ehtirom tuygʻularini yanada yuksaltirish, ayollar, ayniqsa boʻlgʻusi onalarning salomatligini mustahkamlash masalalari doimiy diqqat-markazimizda boʻlishi kerak. Kundalik hayotda uchrab turadigan noxush holatlarning, yoshlarning turli yot oqimlar va gʻoyalar girdobiga tushib qolishlari, jinoyat koʻchasiga kirib ketishlarining oldini olish, mahalla va boshqa jamoat tuzilmalarining yoshlar tarbiyasidagi oʻrnini yanada oshirish masalalari muhokamalar markazida boʻldi.  Yigʻilish yakuni boʻyicha tumanda 2016-yilda ijtimoiy-maʼnaviy muhat barqarorligini taʼminlash boʻyicha amalga oshirilishi lozim boʻlgan ustuvor masalalar belgilab olindi.