DORBOZLIK SANʼATI YaNADA RIVOJLANADI
Mamlakatimiz mustaqillikka erishganidan soʻng Oʻzbekistonimizda milliy bayramlarimiz, qadimiy urf-odatlarimiz – qadriyatlarimiz qayta tiklandi. Shu barobarida milliy oʻyinlarimizdan biri – dorbozlik sanʼatini rivojlantirishga ham katta eʼtibor berildi.
Oʻzbekiston Respublikasi Vazirlar Mahkamasining 2010-yil 7-oktyabrdagi "2010-2020-yillarda nomoddiy madaniy meros obʼektlarini muhofaza qilish, asrash, targʻib qilish va ulardan foydalanish Davlat dasturini tasdiqlash toʻgʻrisida”gi 222-sonli qarori hamda Madaniyat va sport ishlari vazirligining 2015-yil 26-oktyabrdagi 1381-sonli buyrugʻi ijrosini taʼminlash maqsadida oʻtgan yilning oxirida Toshkent shahrida "Milliy dorbozlik sanʼatini rivojlantirishning dolzarb masalalari” mavzusida soha mutaxassislari, olimlar, tadqiqotchilar, dorbozlik jamoalari hamda tsirk guruhlarining badiiy rahbarlari ishtirokida Respublika ilmiy-amaliy anjumani oʻtkazildi.
Ushbu anjumanda Ijodiy birlashmalar va xalq ijodiyotini rivojlantirish boshqarmasi boshligʻi A.Jamoliddinov, Xalq ijodiyoti va madaniy-maʼrifiy ishlar respublika ilmiy-metodika markazi direktori A.Haydarov, teatrlar va tomosha muassasalari ishlari birlashmasi boshligʻi Z.Yuldashev, madaniy-maʼrifiy muassasalar, muzeylar, axborot-resurs markazlari boshqarmasi boshligʻi A.Mirzarahimov, Axborot-tahlil va matbuot xizmati boshqarmasi boshligʻi S.Bobojonov, Oʻzbek davlat tsirk respublika boshqarmasi direktori S.Qurbonov, Xalq ijodiyoti va madaniy-maʼrifiy ishlar respublika ilmiy-metodik Markazi direktori oʻrinbosari Q.Amanqulov, respublika estrada-tsirk kolleji direktori K.Zaripova va Xalq ijodiyoti va madaniy-maʼrifiy ishlar respublika ilmiy-metodika markazi boʻlim boshligʻi M.Yuldashevalar soʻzga chiqishib, milliy dorbozlik sanʼatini rivojlantirish boʻyicha oʻz fikr-mulohazalarini va takliflarini bildirdilar.
Ushbu anjumanda yoshlarni milliy qadriyatlarimizga hurmat ruhida tarbiyalash hamda Dorbozlik sanʼatini rivojlantirish yoʻlidagi kamtarona mehnatlarim uchun Oʻzbekiston Respublikasi Madaniyat va sport ishlari vazirligi, respublika Xalq ijodiyoti va madaniy-maʼrifiy ishlar metodik markazining "Faxriy yorligʻi” bilan taqdirlandim.
Men ushbu anjumandan bir olam quvonch bilan qaytdim va oʻzim rahbarlik qilayotgan "Jayxun dorbozlari” guruhi faoliyatini yanada jonlantirishga bel bogʻladim.
Toʻraboy EShChANOV,
"Jayxun dorbozlari” guruhi badiiy rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
