TADBIRLARIMIZ YoShLAR SALOHIYaTINI YuKSALTIRIShGA XIZMAT QILMOQDA
Globallashuv jarayoni tezkorlik bilan kechayotgan bugungi kunda yoshlarda umuminsoniy qadriyatlarga hurmat, Vatanga muhabbat, ajdodlarimizning maʼnaviy merosiga egalik hissini shakllantirish, ularni barkamol qilib tarbiyalash, huquqiy savodxonligini oshirish, oʻz haq-huquqlarini toʻla anglab olishlariga erishish, tezkor taraqqiyot asrida hayotda oʻz oʻrinlarini topishiga koʻmaklashish, "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar toʻgʻrisida”gi Oʻzbekiston Respublikasi Prezidentining Qarorida taʼkidlanganidek, mamlakatimizda amalga oshirilayotgan keng koʻlamli islohotlarda yoshlarning faol ishtirokini taʼminlash, yuksak maʼnaviyatli, mustaqil va erkin fikrlaydigan, zamonaviy ilm-fan yutuqlarini puxta oʻzlashtirgan har tomonlama sogʻlom va barkamol avlodni voyaga yetkazish – bugungi kunimizning ustuvor vazifalaridandir.
Shu maqsadda "Kamolot” yoshlar ijtimoiy harakati tuman Kengashi yoshlar uchun bir qancha loyihalarni amalga oshirmoqda, hamkor tashkilotlar bilan birga maktablar, oʻrta maxsus, kasb-hunar taʼlimi muassasalari oʻquvchi-yoshlari orasida turli koʻrik-tanlovlar, davra suhbatlari, uchrashuvlar oʻtkazmoqda.
29-mart kuni tuman hokimligi binosida "Hokim va yoshlar” deb nomlangan uchrashuv oʻtkazildi.
Uchrashuvda tuman hokimi birinchi oʻrinbosari B.Ernazarov, hokim oʻrinbosari, Xotin-qizlar qoʻmitasi raisi M.Ahmedova va tumanda faoliyat koʻrsatayotgan korxona, tashkilotlar rahbarlari ishtirok etdilar.
Uchrashuvda yoshlarda tadbirkorlik koʻnikmalarini shakllantirishga koʻmaklashish va ularni mazkur soha imkoniyatlari bilan tanishtirish, yoshlarni tadbirkorlik sohasiga jalb etish borasida qiziqarli maʼruzalar tinglandi, oʻrta maxsus, kasb-hunar taʼlimi muassasalari bitiruvchilarining tadbirkorlik faoliyatini boshlashlari uchun yaratilayotgan imkoniyatlar haqida batafsil tushuncha berildi.
Shu yilning 27-mart kuni "Kamolot” YoIH tuman Kengashi hamkor tashkilotlar bilan birga mudofaaga koʻmaklashuvchi "Vatanparvar” tashkiloti maydonchasida "Shunqorlar” harbiy sport musobaqasining tuman bosqichini oʻtkazdi.
Musobaqada tumandagi 7 ta oʻrta maxsus, kasb-hunar taʼlimi muassasalari oʻquvchilari jamoalari safda yurish, safda qoʻshiq aytish, ijtimoiy-siyosiy va huquqiy, jismoniy tayyorgarligi boʻyicha sinovdan oʻtkazildi.
Musobaqaning barcha shartlarini aʼlo darajada bajargan 3-sonli Amudaryo akademik litseyining "Amir Temur izdoshlari” jamoasi tuman bosqichi gʻolibi, deya eʼtirof etildi va mazkur musobaqaning Qoraqalpogʻiston Respublikasi hududiy bosqichiga yoʻllanmani qoʻlga kiritdi.
31-mart kuni tuman Madaniyat va sport ishlari boʻlimida tumanimizdagi oʻrta maxsus, kasb-hunar taʼlimi muassasalari oʻquvchilari orasida oʻquvchilarning huquqiy bilimlarini yanada mustahkamlash va amaliy koʻnikmalarini rivojlantirish, ularni Oʻzbekiston Respublikasi Konstitutsiyasi va boshqa qonun hujjatlariga hurmat ruhida tarbiyalash, mamlakatimiz sud-huquq, ijtimoiy-iqtisodiy tizimida amalga oshirilayotgan islohotlarning mazmun-mohiyati bilan yaqindan tanishtirish, iqtidorli yoshlarni aniqlash, ijtimoiy faolligini oshirish hamda ularning oʻz iqtidorlarini namoyish etishlariga imkoniyat yaratish maqsadida "Siz qonunni bilasizmi?” deb nomlangan koʻrik-tanlovning tuman bosqichi oʻtkazildi.
Koʻrik-tanlov yoshlarimizning barchasi ham siyosiy savodxon, jamiyatimiz hayotida faol va intellektual salohiyatli ekanligini koʻrsatdi.
Oʻtkazayotgan tadbirlarimiz yoshlar bilimi, faolligini oshirishga xizmat qilayotgani bilan ham juda ahamiyatlidir.
M.OʻROZBOYeV,
"Kamolot” YoIH tuman Kengashi raisi.
(Foto - https://www.gazeta.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
