TUMAN HAFTA IChIDA
9 avgust
Amudaryo qishloq xoʻjalik kasb-hunar kollejida "Fuqarolar yigʻinlari faoliyatining asosiy yoʻnalishlari boʻyicha komissiyalari ishini samarali tashkil etish va amalga oshirish tartib-tamoyillari” mavzusida oʻquv-seminari oʻtkazildi.
Seminarda jamoatchilik asosida ish yurituvchi komissiyalar ishini samarali tashkil qilish yuzasidan mutaxassislar maʼruza qildilar.
Seminarda ishtirokchilar oʻzlarini qiziqtirgan savollarga javoblar oldi.
11 avgust
9-sonli Bolalar musiqa va sanʼat maktabida mamlakatimiz mustaqilligining 25 yilligiga bagʻishlangan targʻibot tadbiri oʻtkazildi.
"Kecha kim edigu bugun kim boʻldik, ertaga qanday yangi marralarni egallashimiz kerak” mavzusida oʻtkazilgan tadbirda Berdaq nomidagi Qoraqalpoq Davlat universiteti professor-oʻqituvchilari oʻz maʼruzalari bilan ishtirok etdilar.
Tadbirda tumanimizdagi ovul va mahallalardan taklif qilingan mahalla faollari, ziyolilar, oʻqituvchilar ishtirok etdi.
11 avgust
Oʻrta qalʼa ovulidagi "Arna boʻyi” mahallasida mamlakatimiz mustaqilligining 25 yilligi munosabati bilan 1982-2000-yillar oraligʻida tugʻilgan oʻsmirlar va yoshlar oʻrtasida futbol boʻyicha mahalla birinchiligi musobaqalariga start berildi.
Yoshlarning boʻsh vaqtlarini mazmunli tashkil qilish va ularni sportga oshno qilish maqsadida tashkil qilingan musobaqalarda mahalla yoshlaridan iborat 17 ta jamoa ishtirok etmoqda.
Gʻoliblar istiqlol bayrami arafasida aniqlanadi va MFY tomonidan ragʻbatlantiriladi.
12 avgust
Amir Temur nomli ovulning "Mehnatkash” aholi punktida yashaydigan, turmush oʻrtogʻi Ollaboy Gijirov vafot etgach, farzandlarining tashvishi yolgʻiz oʻziga qolgan Omongul Saidovaning 2009-yilda tugʻilgan oʻgʻli Yodgorning sunnat toʻyini oʻtkazish orzusi amalga oshdi. OFY rahbariyati, ovuldagi fermerlar toʻy xarajatlarini oʻz zimmalariga olishib, yolgʻiz onaga koʻmakdosh boʻlishdi. "Yusupov Ibodulla” fermer xoʻjaligi ishchisi Omongul Saidova ovuldoshlarining istiqlol bayrami arafasidagi bu sahovatidan chuqur minnatdor boʻldi.
14 avgust
Qipchoq ovuli, "Daryo boʻyi” mahallasida "Mahalla” xayriya jamoat fondi tuman boʻlinmasi tashabbusi bilan "Mahallam qiyofasi 25-yil ichida” shiori ostida bayram tadbiri oʻtkazildi.
Tadbirda yigʻilganlarga mustaqillik yillarida tumanimizdagi ovul va mahallalarda yuz bergan oʻzgarishlar, qurilish va bunyodkorlik ishlari, xalqimiz turmush tarzida roʻy bergan yuksalishlar muhrlangan fotosuratlar namoyish qilindi.
Ona Vatanimizni, istiqlol va ozodlikni madh etuvchi kuy-qoʻshiqlar dillarga xushnudlik baxsh etdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
