OTA-ONALAR QATʼIYaTLI BOʻLIShSA...
Yoshlar maʼnaviyati sogʻlomligiga avvalo oila masʼuldir. Oilada muhit sogʻlom boʻlishi, ota-ona farzandi tarbiyasiga alohida eʼtibor berishi, farzandining taʼlim olishini nazorat qilishlari kerak. Kasb-hunar kolleji oʻquvchisi boʻlgan oʻgʻil-qizining oʻqishga toʻliq qatnashishi uchun sharoitlar yaratib berishi shart. Koʻpchilik ota-onalar masofa uzoqligi, yoʻlkira topaolmasligi uchun farzandini har kun oʻqishga yubora olmasligini aytishadi. Lekin ana shu kollejga borishga yoʻlkira uchun pul topa olmayotgan ota-onalar farzandining qoʻliga 500-600 ming soʻmlik uyali telefon olib berib qoʻyishibdi-ku!
Hozirgi kunda oilalarning har bir aʼzosida, hatto 10 yashar bolakayning qoʻlida ham yangi rusumdagi uyali telefon borligini hisobga olsak, xalqimiz kundan-kunga farovonlashib, iqtisodi yuksalib borayotganini anglash mumkin.
Oʻgʻil-qizlarimizning oʻqib, bilim olishlari uchun hech qanday toʻsiq boʻlishi mumkin emas.
Demak, har bir ota-ona oʻz farzandining tarbiyali, bilimdon va jamiyatda ilgʻor shaxs boʻlishini istasa, eng avvalo davlatimiz tomonidan yoshlarga yaratib berilayotgan imkoniyatlardan ularning samarali foydalanishini taʼminlashlari, farzandlari esa bu imkoniyatlarga hurmat nazari bilan qarashga oʻrganishi zarur. Bola oilada yangiliklarga intiluvchan, oʻziga va atrofidagilarga nisbatan eʼtiborli boʻlib ulgʻaysa, u albatta kelajakda yaxshi va tarbiyali inson boʻlib voyaga yetadi.
Farida QALANDAROVA.
(Foto - http://uzedu.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
