ENG MUNOSIB YIGITLAR HARBIY XIZMATGA JOʻNATILMOQDA
Erkin va tinch-xotirjam yurtda yashash eng oliy baxtdir.
Mamlakatimiz fuqarolari ana shunday ulugʻ saodatga musharraf boʻlgan tolei kulgan insonlar, desak hech mubolagʻa qilmagan boʻlamiz. Boisi, yurtimizda dini, tili va ijtimoiy kelib chiqishidan qatʼiy nazar, barcha millat vakillari erkin mehnat qilib, tinch-osoyishta, koʻngillarda xotirjamlik va ertagi kunga mustahkam ishonch bilan umrguzaronlik qilmoqdalar. Bunda mustaqillik yillarida Birinchi Prezidentimiz I.Karimov asos solgan va yil sayin takomillashib, jangovar qobiliyati oshib, malakali kadrlar bilan taʼminlangan va mustahkam moddiy-texnik bazaga ega boʻlgan milliy Armiyamizning oʻrni beqiyos.
Bugungi kunda yurtimiz oʻgʻlonlari uchun armiya safida xizmat qilish, sarhadlarimiz daxlsizligini taʼminlash muqaddas va masʼuliyatli vazifaga aylandi. Sobiq ittifoq davrida oʻzbekistonlik yigitlar ittifoq hududining turli burchaklarida, xorijiy davlatlarda harbiy xizmat burchini oʻtagan, ularning qiziqishlari, qobiliyatlari inobatga olinmagan boʻlsa, bugungi kunda harbiy xizmatga yigitlar qiziqish va salohiyati inobatga olingan holda saralab olinadi.
Shuningdek, askarlarimiz faqat oʻz Vatani tinch-osoyishtaligi yoʻlida xizmat qiladilar, oʻz qobiliyati bilan harbiy qudrati oshishiga hissa qoʻshadilar.
Shu boisdan ham bugungi kunda armiya safida xizmat qilish istagini bildirib, tuman mudofaa ishlari boʻlimiga chaqiruv qogʻozi bilan kelayotgan yigitlar soni kundan-kunga koʻpaymoqda.
2016-yil 21-dekabrda mamlakatimiz Prezidenti Sh.Mirziyoyev "Oʻzbekiston Respublikasi fuqarolarini muddatli harbiy xizmatga navbatdagi chaqiruvi hamda belgilangan xizmat muddatlarini oʻtab boʻlgan harbiy xizmatchilarni Qurolli Kuchlar rezerviga boʻshatish toʻgʻrisida”gi Qaroriga va tuman hokimining 2017-yil 17-yanvardagi 9-sonli qaroriga muvofiq tuman mudofaa ishlari boʻlimidan ham chaqiruv yoshidagi yigitlar harbiy xizmatga joʻnatilmoqda.
Oʻzbekiston Respublikasining "Umumiy majburiy muddatli harbiy xizmat toʻgʻrisida”gi Qonuniga muvofiq muddatli harbiy xizmatga va safarbarlik chaqiruvi rezervi xizmatiga chaqiruv har yili fevral-mart oylarida oʻtkazilishi belgilangan. Shunga muvofiq boʻlajak askarlarni muddatli harbiy xizmatga joʻnatish marosimlari tantanali ravishda oʻtkazilmoqda.
Shunisi diqqatga sazovorki, milliy Armiyamiz saflariga muddatli harbiy xizmatga borish istaginibildirib, murojaat qilayotgan yigitlarning ichidan eng munosiblari saralab olinmoqda.
Armiya safiga joʻnatilayotgan boʻlajak askarlar ham maʼnan, ham jismonan yetuk, intellektual salohiyatli, mamlakatimiz sarhadlari daxlsizligini, xalqimiz osoyishtaligini himoya qilishga qodir boʻlgan yigitlar ekanligi milliy armiyamizning mudofaa qudrati yana ham oshishiga xizmat qiladi, albatta.
Tuman mudofaa ishlariboʻlimi yigitlarni muddatli harbiy xizmatga tanlov asosida joʻnatish ishlarini namunali olib borish bilan birga muddatli harbiy xizmatni oʻtab qaytgan yoshlar bandligini taʼminlashga, ularning munosib ish oʻrinlarida mehnat faoliyatini boshlashlariga ham alohida eʼtibor qaratmoqda.
Ixtiyor
NODIROV,
tuman mudofaa ishlari boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
