OILALAR TINCh-TOTUVLIGI JAMIYaT RIVOJINI TAʼMINLAYDI
Jamiyatimizning ravnaq topishidagi muhim omillardan biri – tabarruk zaminimizda istiqomat qilayotgan insonlarning jismonan sogʻlom, ruhan tetik, maʼnan yetuk va komilligidir. Chunki har bir inson oila aʼzosi, oila esa jamiyatning kichik bir boʻgʻinidir.
Shu boisdan ham mustaqillik yillarida oilalar mustahkamligi, tinch-totuvligiga erishishga ulkan eʼtibor berilayotir. Kam taʼminlangan oilalarga ijtimoiy nafaqalar, moddiy koʻmaklar berilayapti. Nikoh yoshidagi yigit-qizlarga mahallalarning kayvonilari, faollari sogʻlom oila qurish borasida, oilaning muqaddasligini tushuntirish borasida suhbatlar oʻtkazishayapti. Turmush qurayotgan yoshlar nikoholdi tibbiy koʻrikdan oʻtkazilayapti. Shuningdek, oʻrta maxsus, kasb-hunar taʼlimi muassasalari oʻquvchilari orasida erta nikohning oldini olish xususida ham suhbatlar uyushtirilmoqda.
Bu saʼy-harakatlarning hammasi oila deya atalguvchi muqaddas qoʻrgʻonni bezavol saqlashga, unda tinch-osoyishta va sogʻlom turmush tarzi barqaror boʻlishiga erishishga qaratilgandir.
Oilalardagi oʻzaro kelishmovchiliklar, nizolar ajrimga olib kelayotgani targʻibot ishlarini yana ham jonlantirish lozimligini koʻrsatmoqda.
Tuman fuqarolik holati dalolatnomalarini yozish boʻlimi tomonidan shu yilning oʻtgan toʻrt oyi davomida oila mustahkamligiga erishish, oilaviy nizolarning va ajrimlarning, erta va qarindoshlar orasidagi nikohlarning oldini olishga bagʻishlangan 27 ta targʻibot tadbirlari oʻtkazildi.
Mutaxassislarning maʼlumotlariga koʻra, insonning oilaviy tinch-xotirjamligi, baxtiyorligi ishdagi unumga, jismoniy faollikka, salomatligining mustahkam boʻlishiga olib kelar ekan. Shunday ekan, har bir oila davlat himoyasiga olingan bizning jamiyatimizda notinch oila, ajrashgan oila, degan atamalarga oʻrin boʻlmasligi, turmushning mayda-chuyda ikir-chikirlarini oqilona va hamjihatlikda hal qilishning chora-tadbirlari koʻrilishi kerak. Chunki oila, yuqorida aytganimizday, jamiyatning bir boʻlagi. Oilalar tinch ekan, jamiyat rivojlanishda davom etaveradi.
Muborak PRIMBETOVA, tuman FHDYo boʻlimi inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
