Suv tanqisligi salbiy taʼsirini yumshatish va suv resurslaridan oqilona foydalanishni tashkil etishga bagʻishlangan tadbir oʻtkazildi
Joriy yil koʻklami ob-havosi meʼyoridan salqin va quruq kelganligi sababli suv tanqisligi kelib chiqayotgani agrar soha xodimlaridan bor imkoniyatlardan oqilona foydalanib, ekin maydonlaridan moʻl hosil yetishtirishdek tadbirkorlikni, olimkorlikni talab etmoqda, dehqonchilikka yangi innovatsiyalarni, texnologiyalarni, ilm-fan yutuqlarini, ilgʻor tajribalarni keng joriy etish muhim vazifaga aylanmoqda.
Shu yilning 5-iyunida Choykoʻl ovulidagi “Nurullayev Bunyodbek” fermer xoʻjaligi paxta dalasida 2018-yilda suv tanqisligining salbiy taʼsirini yumshatish va suv resurslaridan oqilona foydalanishni tashkil qilish boʻyicha seminar oʻtkazildi.
Seminarga tuman Qishloq va suv xoʻjaligi boʻlimi, mavjud MMTPlar, fermer xoʻjaliklar, suv isteʼmolchilari uyushmalari rahbarlari, tijorat banklari tuman filiallari rahbarlari ishtirok etdilar.
Seminarni tuman hokimi S.Yoʻldashev ochdi va tumanimiz dehqonlari oldida ekin-tikin ishlari uchun noqulay kelgan ob-havo sharoitida ham yuqori hosil yetishtirishga erishishdek dolzarb vazifa turganligi, davom etayotgan suv tanqisligi salbiy oqibatlarini yumshatish va suv resurslaridan oqilona foydalanish borasida olib borilayotgan ishlarga toʻxtaldi.
Tumanda 2018-yil hosili uchun ekilgan qishloq xoʻjaligi ekinlarining vegetatsiya davrida sugʻorish ishlari uchun jami 602.6 mln. metr kub suv limiti ajratilgan boʻlib, ayni kungacha shu limitning 14 foizi oʻzlashtirildi. Suv tanqisligi salbiy taʼsirini yumshatish va suv resurslaridan oqilona foydalanish maqsadida ekinlarni navbatlab sugʻorish, sharbat usulida sugʻorish amalga oshirilmoqda. Shuningdek, 5 ta MMTP xizmat koʻrsatuvchi fermer xoʻjaliklar yerlarini sugʻorishda xoʻjaliklararo kollektorlarning suvlaridan foydalanish ham rejalashtirilmoqda.
taʼminoti ogʻir boʻlgan hududlardagi ekinlarni sugʻorish ishlarini oʻz vaqtida amalga oshirish maqsadida Xitoy xalq respublikasida ishlab chiqarilgan 20 dona kichik koʻchma dizel nasoslari keltirilib, gʻalla va achchiq qalampir ekinlarini sugʻorish ishlarida foydalanilmoqda, ayrim hududlardagi bogʻlar, qishloq xoʻjaligi ekinlari va paxta dalalarini tomchilatib sugʻorish, egiluvchan koʻchma quvurlar bilan sugʻorish ham rejalashtirilmoqda. Seminarda ishtirok etgan Qoraqalpogʻiston Fermerlar Kengashi raisi Kengashboy Nurimbetov, Qoraqalpogʻiston Respublikasi Qishloq xoʻjaligi vaziri oʻrinbosari Davlatboy Toʻliboyev, Toshkent davlat Agrar Universiteti Nukus filiali rektori Yelmurot Toʻreniyozovlar ekinlarni tomchilatib sugʻorish, egatga plyonka toʻshab sugʻorish, egiluvchan koʻchma quvurlar bilan sugʻorish tizimlarini joriy etish afzalliklarini keng tushintirdilar. Seminar tumanimiz agrar soha xodimlariga duch kelayotgan suv tanqisligi sharoitida bor imkoniyatlardan oqilona foydalanish evaziga yuqori hosil yetishtirishga erishishga xizmat qiluvchi bilimlarni bergani bilan ahamiyatli boʻldi.
O.Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
