El dasturxoniga har yili 10 tonnadan ortiq asal yetkazib berilmoqda
Mustaqillik yillarida mamlakatimizda qishloq xoʻjaligi mahsulotlarini yetishtirishga katta eʼtibor qaratilib, oziq-ovqat xavfsizligining taʼminlanishiga imkoniyat yaratildi.
Qishloq xoʻjaligi mahsulotlari orasida yetti xazinaning biri hisoblangan asal mahsulotiga shifobaxsh ozuqa sifatida alohida eʼtibor beriladi.
Mening shu sohani tanlab, xalqimizni asal bilan taʼminlashga kirishganimga salkam qirq yil boʻlayapti. Shu kasbga chin ixlos bilan berilib mehnat qilishim bu sohadagi tajribamning kun sayin oshishiga omil boʻlayapti. Ayni kungacha xoʻjaligimizda boqilayotgan asalarilar 1000 qutidan oshdi. Shu boisdan ham bir yil davomida yiqqan asalimiz 10-11 tonnani tashkil etayapti.
Bugungi kunda bizning “Oʻrta qalʼa chorvadori” nomli agrofirmamizda 15 kishi mehnat qiladi.
Asalarichilik oson ish emas. Bu ishning oʻz mashaqqatlari va qiyinchiliklari bor. Shu sababdan ham bu kasbga alohida mehr kerak. Agar asalari boqishga eʼtiborsizlik bilan yondoshadigan boʻlsangiz, qancha asalaringiz boʻlsa ham undan bir pasda ajralib qolishingiz mumkin. Shu boisdan ham mening Siytimbat Otajonov, Fayzulla Rahimov va Davlatboy Toʻrayev kabi shogirdlarim asalarilarni boqishga alohida eʼtibor berishadi. Natijada asalarilarimizdan oladigan mahsulotimiz miqdori yil sayin oshib borayapti. Shu sababdan ham bu yil 5 tonna asalni qoʻshni Turkmaniston Respublikasiga eksport qilishni rejalashtirganmiz.
Oʻzbekiston Respublikasi Vazirlar Mahkamasining shu yil 14-yanvardagi 25-sonli qaroriga asosan bizning “Oʻrta qalʼa chorvadori” agrofirmamizga Qoraqalpogʻiston Respublikasi boʻylab asalari uyalari, ramkalari va oilasi (paketi)ni yetkazib berish yuzasidan koʻrsatma berilgan edi. Biz joriy yilning shu kunigacha 480 dona asalari uyasi, ramkalari va oilasi (paketi)ni tayyorlab, tumandagi va Qoraqalpogʻiston Respublikasining Qoraoʻzak, Chimboy va Kegeyli tumanlaridagi bir qancha tashkilotlarga tarqatdik.
Biz asalarichilikni rivojlantirish orqali bu soha mahsulotini koʻpaytirishga va asalarichilik bilan shugʻullanayotgan subʼektlarga amaliy yordamni kuchaytirishga harakat qilamiz.
Erkinboy RASULOV,
“Oʻrta qalʼa chorvadori” agrofirmasi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
