YoShLIK ShIJOATIMIZ BILAN

Men bolalik paytlarimda ovulimizdagi fermerlarga havas qilib, albatta bir kuni shu kasb egasi boʻlishga harakat qilardim. Ovulimizdagi fermer xoʻjaliklari faoliyatini sinchiklab oʻrganishim, fermerlar bilan yaqin muomalada boʻlib, ulardan qishloq xoʻjaligi sohasiga doir ishlarning sir-asrorlarini oʻrganib borishim mening fermerlik faolyatini qiyinchiliklarsiz boshlashimga muhim omil boʻldi.
2014-yildan buyon “Toʻlqin” ovulidaga “Xidirov Samad” fermer xoʻjaliginini boshqarib kelayapman.
Fermer xoʻjaligimiga tegishli boʻlgan 61,5 gektar yerdan imkoni boricha unumli foydalanishga harakat qilganligim bois xoʻjalik tarmoqlari kengaytirishga imkon boʻlayapti.
Bugungi kunda fermer xoʻjalgimizda 29 gektar yerga paxta, 16 gektar maydonga bugʻdoy ekinlari ekiladi. Xoʻjaligimizning 2 gektar yeriga olma bogʻ, 1 gektariga uzum bogʻi, 2 gektariga nashvati bogʻi tashkil etilgan. Shuningdek, xoʻjaligimizda boqilayotgan 29 quti asalaridan ham koʻngildagidek mahsulot olinayapti.
Fermer xoʻjalgimizda 22 kishi mavsumiy ishlarda ishtirok qilishadi. Biz albatta ularning ish haqlarini oʻz vaqtida olishlariga, ijtimoiy himoyasini taʼminlaga alohida eʼtibor berayapmiz.
Fermer xoʻjaligimiz oʻz imkoniyatlari darajasida ovul yoshlarining sport bilan shugʻullanishlariga ham eʼtibor berib kelmoqda. Ayni kunda fermer xoʻjaligimiz tomonidan tashkil etilgan 22x42m. oʻlchamdagi gazonli futbol maydoni ovul yoshlarining sport bilan shugʻullanishlarida muhim omil boʻlayapti.
Men yosh fermer sifatida “Eng faol yosh fermer” koʻrik-tanlovining tuman bosqichida ishtirok etib, 1-oʻrinni olishga erishgan edim. Ushbu koʻrik-tanlovning Qoraqalpogʻiston Respublikasi bosqichida ham birinchi oʻringa sazovor boʻlib, mamlakat bosqichiga yoʻllanmani qoʻlga kiritdim. Shu yilning 25-iyun kuni koʻrik-tanlovning Oʻzbekiston Respublikasi bosqichida ham muvaffaqiyatli ishtirok etishga muvaffaq boʻldim.
Hozirgi davrda muhtaram Prezidentimiz Shavkat Mirziyoyev biz yoshlarga katta ishonch bildirayaptilar. Biz bu ishonchni mustaqil mamalakatimizning yanada gullab yashnashiga oʻzlarimizning yoshlik shijoatimiz va fidokorona mehnatlarimiz bilan munosib hissa qoʻshish orqali oqlashga harakat qilamiz.

Samad XIDIRBOYeV, “Xidirov Samad” fermer xoʻjaligi raisi.