“GʻOʻZA PARVARIShIDA ZARBDOR 40 KUNLIK” EʼLON QILINDI

Oʻzbekiston Respublikasi Vazirlar Mahkamasining 2018-yil 2-avgustdagi “Gʻoʻza parvarishida yuzaga kelgan murakkab vaziyatning salbiy oqibatlarini bartaraf etish hamda hosilga hosil qoʻshishga doir chora tadbirlar toʻgʻrisida”gi 613-sonli qaroriga asosan Amudaryo tumanida gʻoʻza parvarishida yuzaga kelgan favqulodda vaziyatlarning salbiy oqibatlarini bartaraf qilish hamda agrotexnik tadbirlarni oʻz vaqtida va sifatli oʻtkazib, kafolatli hosil yaratish maqsadida joriy yilning 5-sentyabriga qadar “Gʻoʻza parvarishida Zarbdor 40 kunlik” eʼlon qilindi.

Ayni kunda rivojlanishdan orqada qolgan maydonlarda oziqlantirish ishlarini qisqa muddatda yakunlash choralari koʻrilayapti.

Gʻoʻza zararkunandalariga qarshi kurash ishlarini tizimli tashkil etish maqsadida bioloboratoriyalarning toʻliq ishlashi taʼminlanib, avgust oyida paxta dalalariga 2-marta biostilirlyatorlar bilan ishlov berish rejalashtirildi.

Bugungi kunda paxta dalalarida “Gummi grand” va “Giomand” stilirlyatorlari bilan ishlov berilmoqda.

Zarbdor 40 kunlik davomida gʻoʻzani kamida ikki marta faqat sharbat usulida sugʻorish rejalashtirilgan. Buning uchun ayni kunda tumanda har gektar yerga 5 tonnadan, jami 77750 tonna mahalliy jamgʻarish uchun harakat qilinmoqda.

Ayni kunda tumanda “Gʻoʻza parvarishida Zarbdor 40 kunlik” harakatlarida ishtirok qilishayotgan mexanitzatorlarga, suvchilarga va dala ishchilariga har 5 kundan mehnat haqi berib borilishi tashkil etilayapti.

A.JUMANIYoZOV.