Til – maʼniviyat koʻzgusi

Amudaryo agrobiznes kasb-hunar kollejida 21-oktyabr – Oʻzbek tiliga davlat tili maqomi berilgan kun haqiqiy til bayrami sifatida nishonlandi.

Shu kuni kollejda “Til – maʼnaviyat koʻzgusi” deb nomlangan tadbir oʻtkazilib, unda barcha oʻqituvchi va oʻquvchilar ishtirok etdilar.

Tadbirda maʼnaviyat va maʼrifat ishlari boʻyicha kollej direktori oʻrinbosari A.Boltaboyev “Til – maʼnaviyat koʻzgusi” mavzusida maʼruza qildi.

Shundan keyin kollejning 3-bosqich oʻquvchilari ishtirokida kuy va qoʻshiqlar, sahna koʻrinishlari ijro etildi.

Tadbirda faol ishtirok etgan oʻquvchilar esdalik sovgʻalar va “Faxriy yorliq”lar bilan taqdirlandilar.

A.Jumaniyozov.