“KITOBXONLIK BAYRAMI” BOʻLIB OʻTDI
Maʼlumki, mamlakatimizda kitobxonlikka katta eʼtibor berilmoqda. Bilimdon kitobxonlar qimmatbaho sovgʻalar bilan taqdirlanmoqda. Chunki kitob bilan oshno boʻlgan insonlarning maʼnaviy boyligi oshadi, dunyoqarashi, fikrlash qobiliyati kengayadi, ularning qalbida ezgulik uygʻonadi. Bir necha yildirki, yoshlarni kitobxonlikka jalb qilish dolzarb mavzu boʻlib kelmoqda. Shu maqsadda “Kitobxonlik bayrami” tadbiri oʻtkazilmoqda.
Tumanimizdagi 69-sonli maktabda ham “Kitobxonlik bayrami” nomli maʼnaviy-maʼrifiy tadbir oʻtkazildi. Tadbirning maqsadi kitobxonlikni targʻib qilish orqali oʻquvchilarning maʼnaviy dunyosini boyitish, ularda mustaqil va tanqidiy fikrlash koʻnikma va malakalarini shakllantirish, maʼnaviy tahdidlargan nisbatan sogʻlom immunitetni rivojlantirish edi.
Tadbirda 4-11-sinflar oʻquvchilari ishtirok qilishdi. Har bir sinf bitta asarni tanlab olib, ushbu asarni sahnalashtirishdi va oʻzlari tanlagan asar muallifi hayoti va ijodi haqida ham qisqacha maʼlumot berishdi. Maktab oʻquvchilarining tayyorlagan raqs va qoʻshiqlari tadbirning yanada qiziqarli boʻlib oʻtishiga asos boʻldi.
Ushbu tadbirga maktab kutubxonachisining tashabbusi bilan “Bir farzandga – uch kitob” aktsiyasi ham qoʻshilib, ota-onalar ham jalb etildi. Kitob savdosi tashkil etilib, ota-onalar farzandlarining qiziqishlariga qarab, kitoblar olib berishdi.
Tadbir soʻngida faol ishtirok etgan oʻquvchilar maktab maʼmuriyati tomonidan Faxriy yorliqlar va sovgʻalar bilan taqdirlandi. Bu oʻquvchilarning kitobga boʻlgan qiziqishini oshirishga taʼsirini koʻrsatmay qolmaydi.
Tadbirni maktab maʼnaviyat va maʼrifat ishlari boʻyicha direktor oʻrinbosari, maktab kutubxonachisi, ona-tili va adabiyot fani oʻqituvchilari, sinf rahbarlari hamkorlikda tayyorlashdi.
Yulduzxon Saidmuradova,
69-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
