Maktab kutubxonasida “Kitob – komillik manbai” mavzusida tadbir oʻtkazildi

Muhtaram Prezidentimiz belgilab bergan 5 ta muhim tashabbusdan asosiy maqsad – kelajagimiz egalari boʻlgan yoshlarni bilimdon, iqtidorli, yetuk insonlar qilib tarbiyalashdir. Yoshlarni koʻproq kitob oʻqishga jalb etish, qiziqishlari asosida kasb yoki hunarga yoʻnaltirish, isteʼdodlarini yuzaga chiqarish juda muhim hisoblanadi.

Bu borada bizning 1-sonli maktabimizda barcha imkoniyatlar mavjud, shart-sharoit yaratilgan. Besh tashabbusning toʻrtinchisi – yoshlar maʼnaviyatini yuklsatirish, ular oʻrtasida kitobxonlikni keng targʻib qilishdir. Oʻquvchilarni badiiy adabiyotga qiziqtirish maqsadida maktabda mutolaa toʻgaraklari faoliyati yoʻlga qoʻyilgan, turli tabdirlar, kitoblar koʻrgazmasi tashkillashtirilib boriladi.

Maktabimizda “Kitob – komillik manbai” mavzusida tadbir boʻlib oʻtdi. Tadbirni maktab kutubxonachisi Tursunoy Karimboyeva maktab oʻquvchilari bilan birgalikda tayyorladi. Maktabning 5-,7-,8-sinf oʻquvchilari tadbirda juda faol ishtirok etdilar. Kitobxon va ilgʻor oʻquvchilardan Dilnura Fayzullayeva va Asaloy Abdullayevalar boshlovchilik qilib,  davrani chiroyli olib borishdi. Oʻquvchilar kitobning inson hayotidagi oʻrni, ahamiyati haqidagi hikmatli soʻzlarni, sheʼrlarni ifodali ijro etdilar. Kitobxonlik va uning hayotdagi muhim oʻrni haqida tayyorlagan sahna koʻrinishini ham namoyish qilishdi.

Men barcha yoshlarni kitob oʻqishga, kitobga mehr qoʻyishga chorlab qolaman. Zero, inson uchun kitobdan yaxshi, sadoqatli doʻst yoʻq. Kitob – inson uchun komillik manbaidir.

Dildora Qoʻchqorova, 1-sonli maktabning
qoraqalpoq tili fani oʻqituvchisi.