Tumanimiz hududi tozaligi va sarishtaligi uchun har birimiz masʼulmiz

Tuman hududida tozalikni saqlash, obodonlashtirish ishlarini bajarish, byudjet va xoʻjalik hisobidagi  tashkilotlar oʻrtasida taqsimlangan boʻlib, bu boradagi ishlar ular tomonidan amalga oshiriladi.   

Qoraqalpogʻiston Pespublikasi Ekologiya va atrof-muhitni muhofaza qilish qoʻmitasi hamda tuman hokimligining qoʻshma qaroriga asosan “Obodonlashtirish” boshqarmasi tomonidan tuman  hududidagi asosiy maydon va koʻchalar, trotuar qismlarini egasiz toʻplanib qolgan chiqindilarni olib ketish, irrigatsiya tizimlarini tozalash hamda daraxtlarni  kesish va ularga shakl berish ishlari bajariladi. Undan tashqari, xususiy uy-joy mulkdorlarining shirkatlari, ularning tasarrufida boʻlgan koʻp qavatli uy-joylar atroflarini tozalash ishlarini bajariladi.

  Oʻzbekiston Pespublikasi Prezidentining 2017  yildagi “2017-2021-yillarda maishiy chiqindilar bilan bogʻliq ishlarni amalga oshirish tizimini tubdan takomillashtirish va rivojlantirish chora-tadbirlari toʻgʻrisida”gi  Qaroriga koʻra Qoraqalpogʻiston Pespublikasi “Toza hudud” Davlat Unitar Korxonasining Amudaryo tumani filiali tashkil qilingan boʻlib, korxona tomonidan aholiga xizmat koʻrsatiladi.

Qoraqalpogʻiston Pespublikasi Vazirlar Kengashining 2019-yildagi 1-sonli qaroriga asosan Qoraqalpogʻiston Pespublikasi “Toza hudud” Davlat Unitar Korxonasi tomonidan qattiq maishiy chiqindilarni xizmat koʻrsatishning tarif miqdori aniqlab berildi, jismoniy shaxslar uchun jon boshiga 2100 soʻm, yuridik tashkilotlariga  1m3 chiqindi uchun 46000 soʻm deb belgilab berildi.

   Korxonada aholiga xizmat koʻrsatish uchun 12 ta maxsus texnikalar mavjud boʻlib, Oʻzbekiston Pespublikasi Vazirlar Mahkamasining 2018-yilgi 765-sonli qaroriga asosan 17 ta  ovul va mahallalar bilan ommaviy shartnomalar tuzilib, aholiga xizmat koʻrsatilmoqda. Shundan 7 mahalladagi koʻp qavatli uylar “Gul diyorim” MChJ tomonidan 9 ta chiqindi yigʻish maydonchalari qurib bitkazildi. Xozirda ushbu chiqindi yigʻish maydonchalariga tumanimizdagi koʻp qavatli uylarda yashaydigan axoli foydalanib kelmoqda. Ushbu yilning yakunigacha tumandagi texnikalarning ish kuchidan kelib chiqqan holda toʻligʻi bilan  qamrab olib, aholiga xizmat koʻrsatish ishlari rejalashtirilmoqda. Barcha toʻlovlar Majburiy ijro byurosiga undirish uchun oʻtkazildi.

Ayni kunda mavjud  161 ta xoʻjalik hisobidagi tashkilotlar bilan  shartnomalar tuzildi. Korxonada  39  ta ishchi xodimlar ishlamoqda.  Mahalla fuqarolar yigʻinlari hududidagi koʻchalardan qattiq maishiy chiqindilarni  tasdiqlangan  grafik boʻyicha shartnoma asosida “Signal” usulida olib chiqib ketilishi taminlanmoqda. Lekin shunga qaramasdan, ayrim fuqarolarning uyidan chiqqan maishiy qattiq  chiqindilarni belgilanmagan joylarga va kollektor boʻylariga tashlab ketilganligiga guvoh boʻlish mumkin.

Belgilanmagan  joylarga  uydan chiqqan uy-roʻzgʻor  chiqindilarni tashlagan fuqarolar  Qoraqolpogʻiston Pespublikasi Ekologiya va atrof-muhitni muhofaza  qilish qoʻmitasi Amudaryo tumani inspektsiyasi tomonidan Oʻzbekiston Pespublikasi  Maʼmuriy  javobgarlik toʻgʻrisidagi Kodeksning  911 -moddasi  1-qismiga asosan  bazaviy hisoblash miqdorining ikkidan bir qismidan uch barobarigacha miqdorda jarima tortiladi. Kollektor boʻylariga  uydan chiqqan uy-roʻzgʻor  chiqindilarni tashlagan fuqarolar esa Oʻzbekiston Pespublikasi  Maʼmuriy  javobgarlik toʻgʻrisidagi Kodeksning  72-moddasi 1-qismiga asosan  bazaviy hisoblash miqdorining uch barobaridan besh barobarigacha miqdorda jarima toʻlashga majbur boʻladi.
Aziz yurtdoshlar! Elimizning  gullab-yashnashi, tozaligi, sarishtaligi uchun har birimiz masʼullikni anglagan holda imkon boricha hissamizni qushaylik! Chiqindilar har joyga tashlab ketilmasdan, belgilangan joyga tashlansa, tozalik-ozodalik saqlanadi va har xil kasalliklar tarqalishining ham oldi olinadi.

I. Kenjaboyev,
QP Ekologiya va atrof-muhitni muhofaza
qilish qoʻmitasining tuman inspektsiyasi
1-darajali inspektori.