TUMAN HOKIMI QIPChOQ OVULI AHOLISI BILAN SAYYoR UChRAShUV OʻTKAZDI

2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harkatlar strategiyasida, mamlakatimiz Prezidenti Sh.Mirziyoyevning 2020-yil 29-dekabrdagi Oliy Majlisga qilgan Murojaatnomasida, “Yoshlarni qoʻllab-quvvatlash va aholi salomatligini mustahkamlash yili” Davlat dasturida aholining turmush sifatini oshirish, “Temir daftar”ga kiritilgan ayollar va yoshlar manfaatlarini himoya qilish, ish bilan bandligini taʼminlash borasidagi belgilangan vazifalar ijrosini taʼminlash maqsadida shu yilning 11-mart kuni tuman hokimi, 1-sektor rahbari Sultonboy Yoʻldashev, Prezidentning tumanimizdagi Xalq qabulxonasi mudiri Erkin Rajabov bilan birgalikda 1-sektor hududidagi Qipchoq ovul fuqarolar yigʻinida aholi bilan sayyor uchrashuv oʻtkazildi.

Uchrashuvda 1-sektor ishchi guruhi, sektor hududidagi Qipchoq ovuli hamda Qipchoq shaharchasida istiqomat qiluvchi “Ayollar daftari”, “Yoshlar daftari”ga kiritilgan ayollar, yoshlar hamda “Temir daftar”ga kiritilgan yordamga muhtoj oilalar vakillaridan tashqari, tumandagi korxona, tashkilot, muassasalar rahbarlari, tijorat banklarning tuman filiallari boshqaruvchilari ishtirok etdilar.

Uchrashuvda dastlab tuman hokimi Sultonboy Yoʻldashev hududdagi “Temir daftar”, “Ayollar daftari”, “Yoshlar daftari”ga kiritilgan fuqarolarga koʻrsatilayotgan gʻamxoʻrliklar, ularning mehnatga layoqatlilarining ish bilan bandligini taʼminlash orqali oilasini muhtojlikdan chiqarish yuzasidan olib borilayotgan saʼy-harakatlar haqida, xususiy tadbirkorlik faoliyati bilan shugʻullanish istagida boʻlgan yoshlarni tadbirkorlikka oʻqitish, kasb-hunarga oʻqitish tufayli ish bilan bandligini taʼminlashga eʼtibor qaratilayotgani haqida gapirdi. Boisi oila qachonki, doimiy daromadga ega boʻlsa, moddiy yetishmovchilikdan shundagina xalos boʻladi. Bu borada yoshlarning oʻzlarining intilishlari, harakatlari asosiy oʻrin tutadi. Chunki har qanday faoliyat muqaddimasi ham odamga qiyinchiliklar tugʻdirishi mumkin. Muhimi, odam oʻz ahdidan qaytmasligi kerak. Bu borada sektorlar ishchi guruhlari murojaat qiluvchilarga maslahatlar, amaliy yordamlar berishga doimo shay.

Uchrashuvda ishtirok etgan 60 nafardan ortiq fuqarolarning 27 ta taklif va murojaatlari tinglandi. Ularning 4 tasi “Har bir yoshga – 1 gektar yer” loyihasi doirasida dehqonchilik qilish uchun yer maydoni ajratib berish, 4 tasi tadbirkorlik faoliyatini tashkil etish uchun imtiyozli foizlarda kredit olish, 2 tasi uy-joy qurish uchun yer maydoni ajratib berish, 2 tasi ish bilan bandligini taʼminlash soʻralgan murojaatlardir. Shuningdek, 15 tasi boshqada maslalar yuzasidan.

Ushbu murojaatlarning 7 tasi joyida hal qilindi, 3 tasiga amaldagi qonunlar doirasida tegishli tushuntirishlar berildi, qolgan murojaatlarni hal qilish yuzasidan korxona, tashkilot, muassasalar rahbarlariga topshiriqlar berildi va ijrosi nazoratga olindi.

Aholi hayoti sifatini oshirish maqsadida yuzma-yuz muloqot tarzida oʻtkazilgan uchrashuv ishtirokchilari tuman rahbarining murojaatlariga eʼtibor berib, ijobiy hal qilganligidan juda minnatdor boʻldilar.

O.RAJABOVA.