Amudaryo tumanida Xalqaro bolalarni himoya qilish kuni keng nishonlandi
Bolalar ertagi kunimiz egalaridir. Ularni asrab-avaylash, har jihatdan barkamol qilib voyaga yetkazish har bir davlat, har bir oila, har bir ota-onaning muqaddas burchidir.
Dunyoning turli hududlarida bolajonlarga turlicha munosabatlar hukmron boʻlsa-da, bizning yurtimizda dunyoga kelgan har bir oʻgʻil-qiz cheksiz mehr-muhabbat, ulkan gʻamxoʻrliklar ogʻushida ulgʻaymoqda.
1-iyun – Xalqaro bolalarni himoya qilish kuni munosabati bilan oʻtkazilayotgan turli tantanalarda ham yurtimizda bolajonlarning emin-erkin, yayrab-quvnab ulgʻayishlari uchun yaratilayotgan sharoitlar, imkoniyatlar tilga olinmoqda, shoʻx-shodon isteʼdodli bolajonlar ijrosida teatrlashtirilgan bayram tomoshalari namoyish etilmoqda.
Sana munosabati bilan Mangʻit shahridagi Madaniyat va istirohat bogʻida ham tuman hokimligi, Maktabgacha taʼlim, Madaniyat boʻlimlari hamkorligida “Bolalarga bering, dunyoni!” deb nomlangan ulkan teatrlashtirilgan bayram dasturi namoyish etildi.
Tomoshalar boʻlib oʻtadigan Mangʻit Madaniyat va istirohat bogʻi tadbirga mos gullar, baxtli bolalikni tarannum etuvchi shiorlar, badiiy bezaklar bilan bezatildi.
Tumanimizda faoliyat yuritayotgan maktabgacha taʼlim muassasalari tarbiyalanuvchilari, “Barkamol avlod” bolalar maktabi, maktablar oʻquvchilari bayroqchalar, gullar, rang-barang sharlar koʻtarib kirib kelishganida ular karnay-surnay navolari bilan qarshi olindi.
Tadbir avvalida turli ertaklar va multfilmlar qahramonlari siymosidagi iqtidorli bolalar bayram tomoshasiga kelganlarni qutlab, birga raqsga tushishga chorlashi ayniqsa, barchaga zavq ulashdi.
“Bolalarga bering, dunyoni!”, “Bolaligim-poshsholigim”, “Farzandlari sogʻlom yurt – qudratli boʻlur” kabi shiorlar bilan, anvoyi gullar bilan bezatilgan, asosiy tomoshalar boʻlib oʻtayotgan maydonchaga tuman hokimi Sultonboy Yoʻldashev, sektorlar rahbarlari – tuman prokurori Javlonbek Muftullayev, Ichki ishlar boʻlimi boshligʻi Ulugʻbek Xudoyberganov, Davlat soliq inspektsiyasi boshligʻi Aydos Seyitov va tuman hokimligi, Maktabgacha taʼlim tizimi masʼullari hamrohligida tashrif buyurdi.
Tuman hokimi Sultonboy Yoʻldashev bolajonlarni dunyoning 70 dan ziyod davlati qatorida Oʻzbekistonda ham ulkan shodiyona qilinayotgan nufuzli bayram – 1-iyun – Xalqaro bolalarni himoya qilish kuni bilan qizgʻin qutladi. Sultonboy Yoʻldoshev oʻz soʻzida bolajonlarga uzoq umr, baxt-saodat tiladi, davlatimiz va ota-onalari gʻamxoʻrligida yurtimizga munosib boʻlib ulgʻayishlariga umid bildirdi.
Shundan soʻng yana maktabgacha taʼlim muassasalari tarbiyalanuvchilari ijrosidagi kontsert dasturiga navbat berildi. Tarbiyachi opalari, musiqa ustozlari koʻmagida shoʻx qoʻshiqlar kuylashni, raqsga tushishni oʻrgangan, qoʻgʻirchoqdek yasangan bolajonlarning shirin tilda aytgan qoʻshiqlari, zavqli raqslari bayram shodligiga shodlik qoʻshdi. Shuningdek, “Barkamol avlod” bolalar maktabi, tuman Madaniyat boʻlimida faoliyat yuritayotgan raqs toʻgaragi aʼzolari ijro etgan qoʻshiq, raqslar ham barchaga manzur boʻldi.
Tuman hokimi Sultonboy Yoʻldashev va sektorlar rahbarlari tomoshaga kelgan maktabgacha taʼlim muassasalari tarbiyalanuvchilarining asfaltga, qogʻozga chizgan rasmlari bilan tanishib, ularning iqtidorlarini yuksak baholab, sovgʻalar bilan ragʻbatlantirishdi.
Teatrlashtirilgan bayram tomoshalari, sportchilar chiqishlari uzoq davom etdi va bolajonlarga oʻchmas taassurotlar baxsh etdi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
