QORAQALPOGʻISTON RESPUBLIKASI SUDI SUDYaSI IShTIROKIDA SAYYoR QABUL OʻTKAZILDI
Joriy yilning 21-avgust sanasida Amudaryo tumanidagi Navoiy nomli mahallada hamda Kuyuk koʻpir ovulida Qoraqalpogʻiston Respublikasi sudining sudyasi ishtirokida sayyor qabul oʻtkazildi. Qabul jarayonida sudya Sultonmurod Davletmurodov ishtirok etib, aholining sud-huquq tizimiga oid murojaatlarini oʻrgandi.
Sayyor qabullardagi aholi vakillari bilan boʻlgan ochiq muloqotlar chogʻida hududlardagi ayollarning hamda “Ayollar daftari”ga kiritilgan xotin-qizlarning sud-huquq sohasiga oid muammolari oʻrganildi. Qabul jarayonlarida hududlardagi 8 nafar ayol-qizlarning muammoli masalalari yuzasidan murojaatlari qabul qilindi. Murojaatlardagi masalalarning aksariyati voyaga yetmagan bolalar uchun alimentlar undirish, aliment miqdorini koʻpaytirish, nikohdan ajratish, moddiy taʼminot undirish, uy-joyni hujjatlashtirish, zararni undirish, kabi mazmunda boʻldi. Ayol-qizlarning qator murojaatlari qabul jarayonining oʻzida huquqiy tushuntirishlar berish orqali hal etildi hamda vaqt talab qiladigan murojaatlarni hal etish boʻyicha amaliy yordam beriladigan boʻldi.
Aytish kerakki, fuqarolarning sud-huquq sohasidagi murojaatlariga samarali yechim topish uchun yanada qulay sharoit yaratish maqsadida joylarda tashkil etilayotgan bu kabi ochiq muloqotlar aholining oʻz yechimini kutayotgan qator muammoli masalalarini mahallaning oʻzida hal etishga xizmat qilmoqda.
Shu oʻrinda qayd etish joizki, soʻnggi yillarda mamlakatimizda sud-huquq tizimini yanada takomillashtirish, fuqaro va tadbirkorlarning huquq va qonuniy manfaatlarini ishonchli himoya qilish choralarini kuchaytirish, odil sudlovni samarali taʼminlash hamda sudyalar hamjamiyati rolini oshirish boʻyicha izchil ishlar olib borilmoqda. Amalga oshirilgan ishlar natijasida odil sudlov jarayonida inson huquqlarini himoya qilish darajasi yangi bosqichga chiqdi.
Xususan, nohaq ayblangan fuqarolar oqlandi, adashib jinoyat yoʻliga kirib qolgani sababli ozodlikdan mahrum qilish jazosiga hukm qilinishi mumkin boʻlgan yoshlar va xotin-qizlarga mahalla va jamoatchilik kafilliklari asosida yengilroq jazolar tayinlanib, oʻz oilalari bagʻrida qoldirildi.
Shuningdek, Oʻzbekiston Respublikasi Prezidentining “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi Farmoni soha rivojini yanada jadallashtirishda muhim dasturulamal boʻlmoqda.
Mazkur hujjat sud-huquq sohasida belgilangan vazifalarni izchil amalga oshirish, fuqarolarning odil sudlovga erishish darajasini yuksaltirish, ishlarni sudda koʻrish sifatini oshirish hamda xolis, adolatli va qonuniy sud qarorlarini qabul qilish uchun taraflarning tengligi va tortishuvchanligini amalda taʼminlash mexanizmlarini kengaytirish kabi ustuvor vazifalarni amalga oshirishga xizmat qilmoqda.
Taʼkidlash kerakki, joylarda sud raislari ishtirokida tashkil qilinayotgan sayyor qabullar sudyalarning xalq bilan muloqotini taʼminlashga, yuridik va jismoniy shaxslarning sud-huquq sohasidagi muammolarini yechishda va ularni ijobiy hal qilishda muhim ahamiyat kasb etmoqda.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
