TUMAN DAVLAT XIZMATLARI MARKAZI TAShKIL ETILGANINING 4 YILLIGIGA BAGʻIShLANGAN TADBIR OʻTKAZILDI

Mamlakatimizda bundan 4-yil avval Oʻzbekiston Respublikasi Prezidentining “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida” gi Farmoni qabul qilingan edi. Mazkur Farmon bilan tuman  va shaharlarda davlat xizmatlari markazlari tashkil etilib, aholiga davlat xizmatlarini koʻrsatish borasida juda katta qulaylik yaratildi. Barcha hududlarda davlat xizmatlari markazlarining yangi binolari qad rostladi. Shuningdek, davlat xizmatlari markazlarining olis hududlarning aholisiga xizmat koʻrsatuvchi filiallari tashkil etildi. Davlat xizmatlari markazlari 2017-yilda 37 davlat xizmatlari bilan oʻz faoliyatini boshlagan boʻlsa hozirgi kunga kelib, xizmatlar soni 150 tadan oshdi.

10 dekbar kuni tumanimizdagi Davlat xizmatlari markazida Markaz tashkil qilinganining 4 yilligiga bagʻishlangan tadbir oʻtkazildi. Tadbirda Markaz xodimlari, tuman fuqarolari ishtirok etdilar.

Tadbirda mamlakatimizda davlat xizmatlarini koʻrsatishning milliy tizimini tubdan isloh qilish boʻyicha keng miqyosda boshlangan ishlar doirasida boshqarma tomonidan amalga oshirilgan ishlar toʻgʻrisida maʼlumot berildi.

Soʻzga chiqqanlar, mustaqilligimizning dastlabki yillarida korxonalarni davlat roʻyxatidan oʻtkazish 10 kungacha muddatda amalga oshirilib, 7 xil hujjat talab qilingani, 2017-yil 1-apreldan tadbirkorlik subʼektlarini davlat roʻyxatidan oʻtkazish va hisobga qoʻyishning avtomatlashtirilgan tizimi joriy etilgani, roʻyxatdan oʻtkazish real vaqt rejimida, 30 daqiqadan oshmaydigan fursatda amalga oshirilishi belgilangani xususida gapirdilar. Shuningdek, yurtdoshlarimizga yanada koʻproq qulaylik yaratish maqsadida 2019-yilning 1-aprelidan boshlab, barcha xizmatlar eksterritorial tamoyil boʻyicha yoʻlga qoʻyilgani, yaʼni fuqarolar istalgan hududdagi davlat xizmatlari markazlariga murojaat qilish huquqiga ega boʻlgani haqida alohida toʻxtalib oʻtdilar.

Taʼkidlanganidek, tuman Davlat xizmatlari markazida har yili fuqarolarga 60-70 minglab davlat xizmatlarini koʻrsatiladi. Oʻtgan davr mobaynida davlat xizmatlari roʻyxati kengaydi, ayrim davlat xizmatlarini koʻrsatish bekor qilindi, shuningdek, ruxsat berish xususiyatiga ega hujjatlar va ularning berilishi tartibi, talab qilinadigan hujjatlari soni qisqartirildi.

Ayni paytda Davlat xizmatlari markazida ijtimoiy taʼminot, muhandislik-kommunikatsiya tarmoqlariga ulanish, soliq, arxitektura va qurilish sohasi, taʼlim, litsenziyalash, ichki ishlar sohasidagi maʼlumotnomalar va boshqa sohalardagi koʻplab xizmatlar amalga oshirilmoqda. Markaz tomonidan tumanning olis joylariga chiqqan holda sayyor tartibda davlat xizmatlari koʻrsatish yoʻlga qoʻyilgan boʻlib, oʻz navbatida bu orqali fuqarolarga qulaylik yaratilmoqda.

Joriy yilning oʻtgan davri mobaynida 4000 ga yaqin davlat xizmatlari sayyor tartibda koʻrsatildi. Shuningdek, jismoniy va yuridik shaxslarga qulaylik yaratish maqsadida davlat xizmatlaridan onlayn  foydalanish imkoniyati ham yaratildi. Bunda jismoniy va yuridik shaxslar davlat xizmatlaridan foydalanish uchun Yagona interaktiv davlat xizmatlari portalidan foydalangan holda murojaat qilishlari mumkin. Xizmatlardan onlayn foydalanishda toʻlovlar 90 foiz toʻlanadi. Yaʼni, markazga borib xizmatdan foydalanganga qaragandan 10 foiz arzonroq toʻlov toʻlab, foydalanish mumkin.

Davlat xizmatlari markazida fuqarolar elektron uskuna yordamida navbat raqamlarini olishadi. Buning natijasida tartibsizliklarning, fuqarolarning sarsongarchiliklarining oldi olinmoqda.

Umida Saparboyeva, tuman Davlat xizmatlari markazi boʻlim boshligʻi.