YoShLAR BILAN UChRAShUV BOʻLIB OʻTDI
Aholi bilan doimiy muloqot qilish, fuqarolarni qiynayotgan muammolarni hal etishning samarali mexanizmi va usullari joriy etilgani mamlakatimizda amalga oshirilayotgan islohotlarning ustuvor yoʻnalishiga aylandi. Odamlarning dardini eshitish, ogʻirini yengil qilish yurtdoshlarimizning adolatga, davlatga boʻlgan ishonchini mustahkamlashga xizmat qilayotir. Shu maʼnoda aytish kerakki, mutasaddi tashkilot vakillari tomonidan murojaatlarni joyiga chiqqan holda, sayyor qabullar orqali qabul qilish amaliyoti keng yoʻlga qoʻyilganligi xalqimizning davlat idoralariga nisbatan ishonchi yanada ortib borishiga sabab boʻlmoqda.
Joriy yilning 12-yanvar kuni Uyshin mahalla fuqarolar yigʻini hududida joylashgan 47-sonli maktabda 30 nafar faol yoshlar bilan uchrashuv boʻlib oʻtdi. Uchrashuvda Amudaryo tumani hokimi oʻrinbosari Mahmud Shermetov, Yoshlar ittifoqi tuman Kengashi raisi Sardor Ismoilov, tuman Xalq qabulxonasi mudiri Erkin Rajapov hamda mutasaddi tashkilot vakillari ishtirok etishdi.
Yigʻilishni tuman Xalq qabulxonasi mudiri Erkin Rajabov ochib berdi hamda yoshlarning yuksak marralarni egallashlari uchun yaratilayotgan shart-sharoitlar, cheksiz imkoniyatlar haqida toʻxtalib, yoshlarni oʻqib bilim olishga, hamda Vatan xizmatiga yaraydigan munosib farzand boʻlishga daʼvat qildi. Shuningdek, bilimga chanqoq, izlanuvchan tumanimiz yoshlari haqida oʻzining samimiy fikr-mulohazlarini bildirdi.
Tuman hokimi oʻrinbosari Mahmud Shermetov yoshlarning huquq va majburiyatlari, joriy yilda yoshlar bandligini taʼminlashga qaratilgan maqsadlar va koʻzda tutilgan rejalar hususida maʼlumot berib oʻtdi. Shuningdek, Yangi Oʻzbekistonning 2022–2026-yillarga moʻljallangan taraqqiyot strategiyasi loyihasida ham ilm-maʼrifatni rivojlantirishga alohida eʼtibor qaratilganini taʼkidlab oʻtdi.
Shundan soʻng yoshlarning muammo va takliflari tinglandi. Yoshlar asosan kredit olish, bandlik va kasbga oʻqitish masalalari boʻyicha murojaat qildilar.
Mahallaning faol yoshlaridan Malika Ismailova, Iroda Muratova, Navbahor Rahimova, Malohat Jumamuratovalar kelajakda tikuvchilik yoʻnalishi boʻyicha oʻz tadbirkorlik faoliyatini yoʻlga qoʻyish uchun imtiyozli kredit ajratilishida amaliy yordam soʻrab murojaat qilgan boʻlsalar, Shohzod Inoyatov veterenariya sohasi boʻyicha ustoz-shogird anʼanasida kasbga oʻqish istagi borligini maʼlum qildi. Shuningdek, Oliy taʼlim muassasasida taʼlim oluvchi Azmiddin Ollomberganov kantrakt-toʻlovi uchun, Matluba Yangiboyeva elektro pech olish uchun amaliy yordam soʻrab murojaat qildi.
Kun tartibidan oʻrin olgan ushbu masalalar tegishli tashkilot vakillari tomonidan oʻrganib chiqilib, tez orada amaliy yordam berish choralari koʻrilishi maʼlum qilindi. Sayyor qabul tarzida oʻtkazilgan ushbu uchrashuv orqali yoshlar muammo va takliflarini ochiq-oydin bayon qilib, tegishli koʻrsatma va tavsiyalarini oldilar.
Murojaatlarinig 3 tasi joyida hal qilindi. Muddat talab qiladigan murojaatlar esa soha mutasaddilariga topshiriq sifatida berilib, muammolar ijrosi qattiq nazoratga olinishi belgilab qoʻyildi.
Bu kabi uchrashuvlar orqali hayotda oʻz oʻrnini topishga qiynalayotgan yoshlarning safi kamayib, ularning ertangi kunga boʻlgan ishonchi yanada ortadi.
Darhaqiqat, bugungi kunda mamlakatimizda yoshlar uchun yaratilayotgan imkoniyatlar shu qadar cheksizki, yoshlardan faqatgina ulardan foydalanish, tinimsiz mehnat qilish va bilim olish talab etiladi holos.
F.Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
