NAMUNALI TAʼLIM-TARBIYa VA ZIYo MASKANI

Yoshlarni hayotga tayyorlashda, ularga puxta bilim berishda, hayotda munosib oʻrnini topishda ziyo maskani boʻlmish – maktabning oʻrni muhim ahamiyatga ega. Shuni inobatga olgan holda tumanimizdagi 40-sonli umumtaʼlim maktabi jamoasi ham yoshlarga chuqur bilim, taʼlim va tarbiya berish borasida namunali faoliyat koʻrsatib kelmoqda.

Jamoada bugungi kunda 100 nafar pedagog xodim, 24 nafar texnik xodimlar mehnat qilmoqdalar. Yoshi ulugʻ  tajribali ustozlardan Sanobar Xoʻjamurodova, Gulchehra Yunusova, Gulmirza Xudoyberganov, Sayyora Tilovova, Rahimboy Oʻrozimbetov, Raʼno Jumaboeva, Raʼno Djumanova, Zulfiya Doʻstlieva, Dilbar Xoʻjamurodova, Mangitboy Juldiboev, Umida Jumaniyazova, Raʼno Nurmatova, Hulkaroy Xoʻjaniyazova, Bozorgul Tangirbergenova, Sayyora Abdurahmonova, Gulnora Shexniyazova, Mehribon Rahimova, Muhabbat Rahimovalar, oʻrta yoshdagi ustozlardan Inobat Qlicheva, Dilrabo Oʻrozboyeva, Nilufar Soatboeva, Nafisa Mamutova, Shoira Shomurodova, Saida Karimova, Sanobar Boboniyozova, Mehribon Bekberganovalar, umidli yoshlardan Nurbek Jumaniyozov, Sherzod Ashirov, Sarvar Yaxshimov, Ruslan Qoʻshaev, Jahongir Otanazarov, Zokir Rahimov, Doniyor Yoʻldoshev, Iroda Yaxshimurodovalar oʻquvchilarga sifatli taʼlim-tarbiya berib, hayotda oʻz oʻrnini topishga yordam bermoqdalar.

Maktab jamoasi “Amudaryo xizmat koʻrsatish” MChJ hamda “Amugrandstroy” MChJ tashkilotlari tomonidan joriy taʼmirlash ishlari bajarilganligidan juda xursand. Ota-onalar farzandlarining issiq, yorugʻ, shinam, ozoda, zamonaviy jihozlangan sinfxonalarida tahsil olayotganligidan mamnun.

Maʼlumki, ajdodlarimiz xayru-saxovat koʻrsatishni oʻzlarining qalb amriga koʻra bajargan. Eng qiyin vaziyatlarda vatandoshlarini  ham maʼnaviy, ham moddiy qoʻllab-quvvatlagan. Saxovat zamirida yaxshilik va ezgulik tushunchalari mujassam. Binobarin, saxovatli inson ana shu sifatlari bilan obroʻ-etibor qozonadi, rahmat eshitadi. Ayniqsa, koʻmakka muhtoj kishilarga yordam qoʻlini uzatish inson hayotini bezaydi. Yangi 2022-yil kirib kelishi arafasida, maktabni bitirib ketgan sobiq bitiruvchilar, bir guruh saxovatpesha ota-onalardan Shavkat Yaxshimurodov, Javlonbek Muftullaev, Ahmad Masharipov, Ravshanbek Yusupov, Dilrabo Oʻrozimbetova, Zafar Kodirov, Rustam Allaqulov, Mahmud Xudayberganov, Botir Ibragimov, Hamro Xoʻjaev, Nargiza  Abdullaeva, Gʻulomjon Yeshniyozov, Adolat Yoʻldosheva, Odilbek Ashirboyev, Adolat Haytimbetova, Barno Kamolova  kabilar homiyligida maktabda talim olayotgan 530 nafar oʻquvchilarga Yangi yil sovgʻalari va 60 nafar ehtiyojmand oila farzandlariga qishki kiyimlardan iborat sovgʻalar taqdim qilindi. Maktab direktori Sanobar Xoʻjamurodovaning boshchiligida maktabning pedagog oʻqituvchilari va 24 nafar texnik xodimlarga bayram sovgʻalari berildi.

Hozirgi murakkab jarayonda hamda taʼtil vaqtiga qaramasdan, maktab jamoasi qizgʻin faoliyat olib bormoqda. Maktab direktori Sanobar Xoʻjamurodova boshchiligida maktab xotin-qizlar jamoasi oʻrtasida 13-yanvar kuni sport musobaqasi tashkil qilindi. Shu kabi musobaqa, tanlovlar jamoaning hamjihatligini, birdamligini oshirishga sababchi buladi. Musobaqa koʻtarinki ruhda tashkil qilinib, jamoa aʼzolarining kayfiyati koʻtarildi. 14-yanvar – Vatan himoyachilari kuni munosabati bilan jamoaning erkak oʻqituvchilari orasida sportning voleybol turidan musobaqasi tashkil etildi. Maktab xotin-qizlari tomonidan badiiy chiqishlar va tabriklar tashkil etilib, barcha yigitlar bayram bilan muborakbod etildi. Bundan tashqari har bir sinfning ijtimoiy tarmoqdagi guruhlarida rasmlar tanlovi, sheʼriy tabriklar tanlovlari, ”Vatan himoyachilari” mavzusidagi insholar tanlovlari  onlayn  tashkil etildi.

Maktablarda qishki taʼtil muddatini 24-yanvarga qadar uzaytirilganligi munosabati bilan Xalq taʼlimi vazirligi tomonidan tashkil etilgan  onlayn  olimpiadalar, kitobxonlik tanlovlarida oʻquvchilarimiz faol ishtirok etib, sertifikatlarni koʻlga kiritmoqdalar. Maktabda tashkil qilingan toʻgarak mashgulotlari onlayn tarzda olib borilmoqda.

Ishonamizki, maktab hayotida amalga oshirilayotgan amaliy ishlar bu yerda taʼlim olayotgan yoshlarning dunyoqarashi keng, bilimli, yurtimizning xaqiqiy fidoyi farzandlari boʻlib yetishiga munosib zamin boʻlib xizmat qiladi.

Umida Karimova, 40-sonli umumtaʼlim maktabining ijodiy-madaniy masalalari boʻyicha targʻibotchisi.