MAKTABGAChA TAʼLIM TAShKILOTLARI DIREKTORLARIGA HUJJATLARNI MEHNAT QONUNChILIGI ASOSIDA YuRITISh BOʻYIChA TUShUNChALAR BERILDI

Maktabgacha taʼlim boʻlimida tegishli mutaxassislar tomonidan MTTlarda hujjatlarni mehnat qonunchiligi asosida yuritishni tushuntirish boʻyicha yigʻilish oʻtkazildi. 

9-fevral kuni boʻlib oʻtgan mazkur yigʻilishda Oʻzbekiston Respublikasi Maktabgacha taʼlim vazirligi Kadrlar boshqarmasi boshligʻi  F.Boboyev, Oʻzbekiston Respublikasi Maktabgacha taʼlim vazirligi Yuridik boshqarma boshligʻi  X.Boʻriyev, Qoraqalpogʻiston Respublikasi Maktabgacha taʼlim vazirligi Yuridik boʻlimi yuristkonsulti I.Baymuradov, tuman Maktabgacha taʼlim boʻlimi mudiri S.Sadikova hamda Maktabgacha taʼlim boʻlimi xodimlari va barcha maktabgacha taʼlim tashkilotlari direktorlari qatnashdilar.

Yigʻilishda MTTlarda mehnat qonunchiligi boʻyicha hujjatlarning yuritilishi boʻyicha, korruptsiya sohasidagi qonun hujjatlarining mazmun-mohiyati toʻgʻrisida mutaxassislar tomonidan keng tushunchalar berilib, maktabgacha taʼlim tashkilotlarida Kuzatuv kengash faoliyatiga doir masala ham koʻrib chiqildi. 

Dastlab Oʻzbekiston Respublikasi Maktabgacha taʼlim vazirligi Kadrlar boshqarmasi boshligʻi F. Boboyev soʻzga chiqib, hozirgi kunda maktabgacha taʼlim tashkilotlarida mehnat qonunchiligi boʻyicha hujjatlarning yuritilishi, shaxsiy tarkib boʻyicha buyruqlar va mehnat shartnomalarining rasmiylashtirilishdagi uchrayotgan xato-kamchiliklar va ularni bartaraf qilish yoʻllari haqida gapirdi. Shuningdek, mehnat shartnomasi hamda buyruqlarni namunaviy shakllarda yuritish, buyruqlarni rasmiylashtirishda Mehnat kodeksining tegishli  moddalari mos ravishda qoʻllash, bu borada doimiy ravishda seminarlar tashkil qilib, tushuntirish ishlarini olib borish kerakligini taʼkidladi.

Shundan soʻng, Oʻzbekiston Respublikasi Maktabgacha taʼlim vazirligi Yuridik boshqarma boshligʻi X. Boʻriyev Maktabgacha taʼlim vazirligi tomonidan korruptsiyaga qarshi kurashish boʻyicha olib borilayotgan ishlar, korruptsion holatlarning oldini olish boʻyicha xodimlar va tarbiyalanuvchilarning ota-onalari bilan targʻibot-tashviqot ishlarini olib borish, qonunchilikda korruptsiyaning oqibatlari toʻgʻrisida keng tushunchalar berdi. Oʻzbekiston Respublikasi Maktabgacha taʼlim vazirligi tomonidan qabul qilinayotgan normativ-huquqiy hujjatlarning mazmun-mohiyatini chuqur anglash va ularning ijrosini taʼminlash hamda tizimda faoliyat yuritayotgan xodimlarning lavozim majburiyatlariga amal qilgan holda ish yuritishi lozimligini aytib oʻtdi.  

Undan tashqari, Maktabgacha taʼlim tashkilotlarida Kuzatuv kengashlari faoliyati boʻyicha keng toʻxtalib oʻtdi. Jumladan, Kuzatuv kengash aʼzolari tarkibi toʻgʻri shakllanmaganligi, yigʻilishlarning doimiy ravishda oʻtkazilmayotganligini taʼkidladi.

Yigʻilish soʻngida Oʻzbekiston Respublikasi Maktabgacha taʼlim vazirligi Kadrlar boshqarmasi boshligʻi F. Boboyev tomonidan 1 ta maktabgacha taʼlim tashkiloti misolida boʻlimning har bir yoʻnalishi mutaxassislari tomonidan interaktiv turda seminar tashkil etib, tashkilotlar direktorlariga amaliy yordam koʻrsatish kerakligi aytilib, bu boʻyicha tegishli xodimlarga topshiriqlar berildi.

Shunga koʻra tuman Maktabgacha taʼlim boʻlimida “Maktabgacha taʼlim tashkilotlarida mehnat qonunchiligi boʻyicha hujjatlarning yuritilishi" mavzusida interfaol  usulda  amaliy seminar oʻtkazildi.

11-fevral kuni tuman Maktabgacha taʼlim boʻlimida boʻlib oʻtgan amaliy seminarda tuman Maktabgacha taʼlim boʻlimi mudiri S.Sadikova hamda boʻlim masʼul xodimlari, barcha maktabgacha taʼlim tashkilotlari direktorlari qatnashdilar.
Seminarda qatnashchilar guruhlarga boʻlinganidan soʻng, mehnat  munosabatlari jarayonlari boʻyicha topshiriqlar tarqatildi. Topshiriqlarni bajarish boʻyicha vaqt belgilandi. Guruh ishtirokchilari bajarilgan ishlar  elektron doskada koʻrsatib taqdimot qilishdi. Ushbu jarayonlarda yoʻl qoʻyilgan xato-kamchiliklar aniqlanib, shu vaqtning oʻzida  qanday bartaraf qilinishi koʻrsatib berildi.

Maktabgacha taʼlim tashkilotlarida  korruptsiyaga qarshi kurashish boʻyicha olib borilayotgan ishlar, korruptsiyaga yoʻl qoʻymaslik, ularni muntazam nazorat qilib borish borasida tegishli topshiriqlar berildi. Oʻzbekiston Respublikasi Maktabgacha taʼlim vazirligi tomonidan qabul qilinayotgan normativ-huquqiy hujjatlarning mazmun-mohiyatini chuqur anglash va ularning ijrosini taʼminlash hamda tizimda faoliyat yuritayotgan xodimlarning lavozim majburiyatlariga amal qilgan holda ish yuritish lozimligi tushuntirildi.

Maktabgacha taʼlim tashkilotlarida kadrlarning shaxsiy tarkibiga oid yuritiladigan hujjatlar namunalari koʻrsatib berildi va seminar qatnashchilarining savollariga javoblar berilib,  ularning ham fikr-mulohazalari tinglandi.
Qiziqarli oʻtgan seminarda tashkilot direktorlari hujjatlarni yuritish boʻyicha keng tushunchalarga ega boʻldilar.

S.Patullayeva, tuman MTBning Kadrlar bilan ishlash shoʻʼbasi mudiri.