DOʻSTLIK MAHALLASIDA SUD MASʼULLARI IShTIROKIDA DAVRA SUHBATI OʻTKAZILDI

Shu yil 11-mart kuni Doʻstlik mahalla fuqarolar yigʻini maʼmuriy binosida oʻzlashtirish yoki rastarata yoʻli bilan talon-taroj qilish jinoyatlarining oldini olish boʻyicha davra suhbati boʻlib oʻtdi. Unda Qoraqalpogʻiston Respublikasi sudi sudyasi S.Davletmuradov, Jinoyat ishlari boʻyicha tuman sudi masʼullari, Doʻstlik mahalla fuqarolar yigʻini raisi I.Ismailova hamda mahalla faollari ishtirok etdilar.

Sud masʼullari tomonidan Oʻzbekiston Respublikasi JKning 167-moddasiga koʻra oʻzlashtirish yoki rastrata yoʻli bilan talon-toroj qilish, aybdorga ishonib topshirilgan yoki uning ixtiyorida boʻlgan oʻzganing mulkini oʻzlashtirish yoki rastrata qilish yoʻli bilan talon-toroj qilish, bazaviy hisoblash miqdorining yuz baravarigacha miqdorda jarima yoki ikki yuz qirq soatgacha majburiy jamoat ishlari yoxud bir yilgacha axloq tuzatish ishlari bilan jazolanishi va boshqalar toʻgʻrisida maʼlumot berildi. Shuningdek, oʻsha harakat koʻp miqdorda, takroran yoki xavfli retsidivist tomonidan, bir guruh shaxslar tomonidan oldindan til biriktirib, mansab mavqeini suiisteʼmol qilish yoʻli bilan sodir etilgan boʻlsa, bazaviy hisoblash miqdorining yuz baravaridan uch yuz baravarigacha miqdorda jarima yoki toʻrt yuz sakson soatgacha majburiy jamoat ishlari yoki ikki yilgacha axloq tuzatish ishlari yoxud ikki yildan besh yilgacha ozodlikni cheklash yoki besh yilgacha ozodlikdan mahrum qilish bilan jazolanishi tushuntirildi.

Undan tashqari, oʻsha harakat juda koʻp miqdorda, oʻta xavfli retsidivist tomonidan, uyushgan guruh tomonidan yoki uning manfaatlarini koʻzlab, kompyuter texnikasi vositalaridan foydalanib sodir etilgan boʻlsa, bazaviy hisoblash miqdorining uch yuz baravaridan olti yuz baravarigacha miqdorda jarima yoki uch yilgacha axloq tuzatish ishlari yoxud besh yildan oʻn yilgacha ozodlikdan mahrum qilish bilan jazolanishi ham aytib oʻtildi. Agarda yetkazilgan moddiy zararning oʻrni qoplangan taqdirda ozodlikni cheklash va ozodlikdan mahrum qilish tariqasidagi jazo qoʻllanilmasligi toʻgʻrisida ham batafsil maʼlumotlar berildi.

Ochiq muloqot tarzida oʻtkazilgan suhbat chogʻida yigʻilish ishtirokchilari oʻzlarini qiziqtirgan barcha savollarga javoblar oldilar.

J.Urazboyev, Jinoyat ishlari boʻyicha tuman sudi raisi.